Elta MD : 薄身仲要唔笠的防曬！

春夏天好多人都好怕搽防曬，驚佢笠痴痴又焗身，再係上面加多層粉底液同碎粉，皮膚直頭呼吸唔到咁濟!!
但係唔搽又會出斑斑，好矛盾點算好?
前排好hit BB Cream，貪其夠多功能，淨搽佢都出得街。不過大部分BB Cream油份好高，卸唔乾淨好容易阻塞毛孔生粒粒架！
來過A-plus的朋友仔都會聽聞或試過Elta MD Skincare既防敏防曬乳，雖然唔係新產品，但都想再推介比對防曬要求高的朋友，敢講佢係眾多防曬產品中最薄又唔笠既有色防曬。


防敏粉底防曬乳 UV Physical SPF41 Tinted (85ml)  $300物理性防曬有效預防UVA及UVB，採用無油輕薄配方，清爽易推，唔會搽到一達達，亦唔會阻塞毛孔。

色澤自然，可作每天上妝粉底及激光後使用。

鐘意淡妝的朋友仔搽薄薄一層當有色base用就可以，若要遮暇可多搽一層！

重點係佢有85ml大大支只需$300，價錢經濟。

有效成份：
- 9% Micronized Zinc Oxide
-7% Titanium Dioxide
-適合任何皮膚，包括敏感、上妝、光學療程後、兒童使用。


TESTING

顏色得一隻，屬普通膚色，適合中等及深膚色的朋友仔，皮膚白人士會略嫌過深。

薄薄地一層都微微遮到血管及膚色不均勻。



同場加影
舒爽緩和防曬乳 UV Clear SPF46 with B3 (50ml)   $300
這款是無色防曬霜，同樣好薄身兼唔笠！
專為問題皮膚而設的健膚舒緩處方(如:敏感、暗瘡、酒渣鼻)
榮獲ELLE2010年全球最佳美容產品大獎及最佳皮膚產品創造大獎。

有效成份:
- 9% Micronized Zinc Oxide

-Niacinamide(B3)
-適合敏感、暗瘡、酒渣鼻、兒童或激光後肌膚。


兩款A-Plus均有發售!

*

*此乃個人感受分享，產品效果皆因人而異。

**如有任何爭議﹐A-Plus Beauty Medical Center保留最終決定。

Cheers
Karen

Facial 療程逐隻睇

一直以來，都有好多朋友仔話A-Plus有太多Facial Treatment，有時都好亂，唔知做乜好。終於，今次一次過簡單介紹下每個facial的分別啦！當然，始終做咩Facial Treatment都係要以當日皮膚的狀態而決定架！

Priori 50 成分係純乳酸，主要效果係清除角質，由於乳酸唔會好似果酸令皮膚乾，所以比較適合秋冬天氣或敏感皮膚做。 ($600)

Steps:

1. 洗面(Priori 洗面奶)

3. 50%乳酸3mins

4. 針清

5. 敷Mask

Priori 75成分係高濃度乳酸，介乎係淺層至中層換膚，唔會令你大量甩皮，但都會做到比較有光澤的效果，而又可以增生底層骨膠原，呢隻peel唔會再配合針清，亦 因為是高濃度乳酸，我地建議客人係係我們到做開其他peel treatment，先接受呢個treatment。($600)

Steps:

1. 洗面(Priori 洗面奶)

2. 75%乳酸3mins

3. 敷Mask

Mask Peel有30%果酸及海底深海泥，因此清潔效果很好，主要針對黑頭粉刺，因為果酸本身係一種水溶性的酸，所以會令皮膚比較乾身，比較適合在夏天時候做，若冬天就可能太乾，有機會會有輕微甩皮。($600)

Steps:

1. 洗面 (Derma Ceutic果酸洗面泡)

2. Mask Peel果酸 2mins

3. 針清

4. 敷Mask

Milk Peel是50度果酸加乳酸，因此相對地無咁乾，會令皮膚比較有光澤和白，去印效果會比較好。($600)

Steps:

1. 洗面 (Derma Ceutic果酸洗面泡)

2. 果酸 (Milk Peel) 2mins

3. 針清

4. 敷Mask

Cosmo Peel係用15度TCA酸，係其中一種中層換膚，TCA酸可以令皮膚增生骨膠原，在收細毛孔、緊緻、光澤方面比較出色，除左做臉，都會有客人做頸、背，做完之後12小時唔可以沾水。($1000)

Steps:

1. 洗面(Derma Ceutic果酸洗面泡)

2. 15% TCS酸塗抹面上

3. 中和

Spot Peel係一種深層去斑的treatment，尤其適合做賀爾蒙斑，呢個peel其實係先做一個Milk Peel然後再加Spot Peel，所以除左斑的色素改善外，全臉膚色亦都會得到改善。($4000)

Steps:

1. 洗面(Derma Ceutic果酸洗面泡)

2. 果酸 (Milk Peel) 1mins

3. 全面塗抹Spot Peel

4. 重複進行第二次塗抹 Spot Peel 於斑位

Enzyme Moisturizing Treatment，成份由木瓜及菠蘿酵素組成，酵素可去除表層老化角質，之後再導入40%濃度透明質酸，做完之後令皮膚柔滑，水潤補濕。($800)

Steps:

1. 洗面(Dermaquest 15%洗面奶)

2. 酵素粉劑同活化劑混和敷8mins

3. 40%濃度透明質酸導入

5. 敷40%濃度透明質酸Mask

Peptide Peel是綠性鈦酸，主要做緊緻、紋理，尤其適合做眼紋，因為呢個peel比較溫和，所以可以係任何時間、季節都做得。而綠性鈦係醫學上都認證左所謂一個淺層botox，如果keep住長期做，可以做到預防皺紋的效果。($600)

Steps:

1. 洗面 (Dermaquest 15%洗面奶)

2. 搽平衡溶液

3. 搽修護霜

4. Peptide Peel 3mins

5. 中和

6. Cool down “凍棉花 2mins”

7. 敷Mask

Stem Cells Peel係果酸加紫丁香葉幹細胞，由於紫丁香葉幹細胞有消炎作用，因此比較適合有少少暗倉、不太乾或太油的皮膚接受療程，通常有少少暗倉、暗粒的客人都會選擇呢個treatment。($600)

Steps:

1. 洗面 (Dermaquest 15%洗面奶)

2. 搽平衡溶液

3. 搽修護霜

4. Stem Cells Peel 3mins

5. 中和

6. Cool down “凍棉花 2mins”

7. 敷Mask

Pumpkin Peel成分有南瓜酸，適合有座倉、嚴重暗倉皮膚的客人做，通常做完之後，大的座倉會發覺收得好快，亦有機會令底層的污糟野拉到皮膚表面，可能會有d細細粒的倉仔，但都會好快，幾日就自己消除。($600)

Steps:

1. 洗面(Dermaquest 15%洗面奶)

2. 搽平衡溶液

3. 搽修護霜

4. 南瓜酸 3mins

5. 中和

6. Cool down “凍棉花 2mins”

7. 針清

8. 敷Mask

Jessners Peel係另一種中層換膚，由幾種peel混合而成，比較適合暗倉性皮膚，因為可以做到消炎殺菌的效果，令暗倉凋謝，另外在色素方面都有比較好的效果，印、輕微淺層斑都可以得到改善，茶完三次就完成，唔需要敷Mask，做完之後12小時唔可以沾水。($1000)

Steps:

1. 洗面

2. Jessners Peel塗抹面上

3. 等5mins

4. 重複進行第二次塗抹Jessners Peel

5. 等5mins

6. 重複進行第三次塗抹Jessners Peel

RX Treatment係一隻韓國的peel，比較適合非常非常敏感，而又要清黑頭粉刺的皮膚。因為呢個peel比較溫和，入邊有3種唔同精華，因應客人需要去選擇用增生骨膠原精華或美白精華，骨膠原精華可以做到收細毛孔，美白精華就可以做到令皮膚有光澤。($600)

Steps:

1. 洗面(Dermaquest 洗面奶)

2. 果酸 6mins

3. 清潔

4. 針清 + cool down凍棉花 2mins

5. 精華按

6. 敷Mask

AMTS就係微針，亦係我地的皇牌treatment，主要做收細毛孔、改善整體膚質。治療師會因應客人的毛孔粗度選擇微針針長，由0.2mm至2.5mm，符合不同客人需要，其實好多人以為微針係粗毛孔、凹凸洞客人的專利，其實係唔正確！只可以講如果有以上問題，用的針會比較長。我地都有客人係利用微針做一種淺層導入，由於係直接刺激到皮下的皮膚組織，因此可以令皮膚更吸收，明顯見到水潤亮澤。($1000)

Steps:

1. 洗面(Dermaquest 洗面奶)

2. 麻醉 10-15mins (可選擇搽/不搽)

3. 微針2round騼全面，第3round在重點位置騼

4. Co2 mask

Super AMTS就係AMTS微針的進階版，用嘅精華都係普通微針的加強版，適合有嚴重凹凸洞的客人，super amts係微針後要立即再做一個淺層peeling，peeling後可以見到凹凸洞即時彈反上泥，做一次super的效果可媲美4次微針的效果。($2000)

Steps:

1. 洗面(Dermaquest 洗面奶)

2. 麻醉 10-15mins (可選擇搽/不搽)

3. 微針2round騼全面，第3round在重點位置騼

4. 1mins peeling

5. 敷Co2 mask

Skin Medica Peel由幾種唔同的酸混合一齊，分別有蘋果酸、杏仁酸、植酸，杏仁酸比較針對做收油脂、令皮膚有光澤，呢隻peel唔可以再配合針清，所以茶完之後敷個mask就完成，做完之後會明顯見到光澤的效果。($600)

Steps:

1. 洗面(Skin Medica 洗面奶)

2. 煥膚前導液清潔面上油脂

3. 煥膚溶液塗抹面上

4. 重複進行第二次塗抹

5. 敷Mask

Hydra facial利用左「雙向引流」技術，一邊將水分磨入皮膚底層，一邊吸走角質死皮，治療師會準備幾個不同大小的吸頭替換以配合臉上不同位置，過程完全無痛，可改善膚色唔均勻、色素、粗糙、暗啞，令皮膚回復光澤。($600)

Steps:

1. 洗面(Skin Medica 洗面奶)

2. 用深層清潔精華全面磨

3. 用補濕精華全面導入

4. 敷Mask

Hydra facial with TNS Serum，即係配合埋人體生長因子精華，人體生長因子精華能促進製造骨膠原，加強改善皮膚粗糙、毛孔、細紋。($1000)

Steps:

1. 洗面(Skin Medica 洗面奶)

2. 用深層清潔精華全面磨

3. 用TNS精華全面導入

4. 敷骨膠原Mask

Moisturizing Treatment，亦叫做水晶晶，是一個好強的補濕treatment，因應客人的皮膚去選擇導入敏感精華或水分精華，之後就會敷一個叫水晶晶的面膜，而面膜係每一次都要即時開，之後會變成一塊啫喱果凍敷在面上，敷的過程會感覺到塊啫喱慢慢溶入你皮膚裡面，水分保持效果有別於外間的補濕treatment，做完一兩日後就流失水分，水晶晶面膜滲透落皮膚裡面後可以保存到24小時，24小時後先會係我地的細胞分解水分，令皮膚keep住水分光澤。($600)

Steps:

1. 洗面 (Dermaquest 洗面奶)

2. 敷泥5-15mins

3. 如有粉刺黑頭，再針清

4. 精華導入

5. 敷水晶晶Mask

Red Peel Back Treatment，只做背部，成分有30%TCA，屬於中層換膚，有助於加速暗倉凋謝，同時有明顯去印的效果，過程會有輕微吉吉拿拿的感覺，做完幾天後開始甩皮，需加強塗抹潤膚產品。($800)

Steps:

1.    濕棉花清潔背部

2.    2分鐘內塗抹Red Peel於背上

3.    (因應客人情況決定藥水停留時間)

4.    用紙巾輕印後再等，(因應客人情況決定藥水停留時間)

5. 濕棉花抹乾淨背部直至完全沒有吉拿感覺

Mask Peel Back Treatment，30%果酸及海底深海泥，主要係清背部的黑頭粉刺。($800)

Steps:

1.    濕棉花清潔背部

2.    果酸 4mins

3.    針清

4.    濕棉花抹乾淨背部

5.    敷mask

*療程及產品效果皆因人而異。

**所有療程必須預約。如有任何爭議﹐A-Plus Beauty Medical Center保留最終決定。

Anna最愛的Eye cream

係眾多護膚品當中，我最怕買eye cream。一來好的eye cream唔平，動不動便要上千元。最慘係往往要用上一個星期先知會唔會太潤而導至起油脂粒，所以就算試埋sample，都有機會買完貨裝先知唔適合用。

而我雙眼就正正係超容易出油脂粒，我真係可以大膽講句，2千蚊一支的eye cream都會令我出油脂粒架！

直到遇到Kinerase，我終於尋覓到一隻唔會令我出油脂粒的eye cream啦！而用上三個星期左右，亦感覺到眼肚有緊了的感覺，眼紋亦淺了。

Kinerase眼霜質地輕盈，水潤配方專門針對細紋及幼紋，舒緩及潤澤眼部嬌嫩肌膚。

成分包括︰

0.125% Kinetin – 專利濃度成分，天然存在於人體細胞萃取物及DNA中的生物生長因子，不僅延緩皮膚的細胞的衰老起始時間，同時有助防止細胞老化﹔並具臨床醫學研究證明有效改善皮膚鎖水力，減少誇皮層水份流失(TEWL)高達26%

薏苡子萃取精華及透明質酸鈉 – 水潤眼部肌膚。

蘆薈- 舒緩過敏症狀及鎮靜肌膚。

葡萄籽萃取精華- 具抗氧化功效，舒緩泛紅狀況。

低敏性、不致粉刺、不含香料、防腐劑及色素。

用法︰每天早晚以指尖取適量輕按於眼部四周。

最最重要係價廉物美，只需要$400一支，可以話係經濟實惠。

A-Plus有售：$400 15ml

*此乃個人感受分享，產品效果皆因人而異。

**產品價格如有任何爭議﹐A-Plus Beauty Medical Center保留最終決定。

補濕mask大比拼

好多人都會發覺長假期後，皮膚反而變差。原因係係長假期期間，大家少不免會做隻夜鬼同大吃大喝一番。如果想減少變暗啞同出瘡瘡的機會，大家可以試下敷下水份mask，幫皮膚補充番水份，就可以加強返皮膚的抵抗力。

下一條問題就當然係有咩mask好用啦！今次就主要分享四隻我用過不錯的補濕mask。價錢有平有貴，任君選擇。
首 先推介我最最最喜愛的Olive mask！Olive mask - 橄欖美白修復面膜係一隻我覺得可以令皮膚得到改善，而唔係單單短暫補下濕的mask。由於有橄欖葉精萃，可以改善受損細胞，亦有效減淡暗瘡印。而我最愛就 係敷完mask的另一日，皮膚充滿光澤同水份，真係有bling一聲的感覺！價錢唔算平，A-Plus折完比朋友仔都要$1000，不過可以用到40次 到。

另一隻我覺得唔錯的水份mask就係Dorissiderm的Radiant Gel Mask。一隻好的mask，除了敷完無敏感外，當然要效力持久啦！而好的水份mask除了可以令皮膚注滿水份外，亦可以令皮膚更滑和有彈性。而呢隻mask亦做到呢一點。
清洗 Gel mask有個小秘訣，就係先以濕綿花抹走mask，再用水沖，就會好乾淨啦！
萬寧有售，太約$300，有80ml。算是平靚正之選。

想方便又粗用的話，大家可以試下呢隻paper mask。效果唔係話超級出色，但最少無敏感，亦無過多香料。而且敷完亦覺得皮膚有水潤左。平平地$65有兩盒，一共10塊，粗用完全唔會心痛。萬寧有售。

打激光係會令皮膚短暫缺水，所以，事後的補濕功夫係非常重要。而Avene呢隻mask係專為打laser而設的mask。除了補濕外，仲可以降紅。價錢非常實惠，$160有50ml，萬寧有售。

有好亦有彈，同場加影我用過最差的 paper mask!!!!

一開就係一陣陣玫瑰味，但好明顯只係香料而唔係含有玫瑰成份！精華一pat pat，完完全全唔覺皮膚有吸收到任何野，好似仲乾左。真係敷完仲衰過唔敷！

*

*此乃個人感受分享，產品效果皆因人而異。

A-Plus 一歲啦！生日快樂！

A-Plus生日快樂！不知不覺，你已經一歲啦！係呢一年，經歷了很多，高高低低，起起落落，有喜亦有悲。但慶幸你有一班靚靚朋友仔，對你不離不棄，不段鼓勵你堅持下去！

所以，你一定要快高長大，比更好的服務質素去報答你呢班忠實朋友仔呀！係新的一年，希望可以做到以下事情啦！

1) 增添一部皮膚分析機，令大家可以更了解自已皮膚的需要

2) 增添人手，希望可以花多點時間係每一位朋友仔身上，提供更貼心的服務

3) 開創A-Plus fans card，令定時黎扮靚靚的朋友仔可以得到更多的優惠

4) 不斷尋求更好而有效的treatment

5) 每星期出一篇blog文

為左同你慶祝生日，相信各位朋友仔都唔介意送份小小心意比你。係全個二月，所有A-Plus的舊朋友仔不論做任何facial treatment，激光脫毛或注射療程，只要帶同一張A4紙，親筆寫上你係A-Plus的開心經歷，加上簽名，就可以免費獲得一次treatment，有以下三款以供選擇：

A) R peel 背部去印treatment (價值$800)

B) Cosmo peel 頸部美白收緊treatment (價值$1000)

C) Cosmo peel 腋下色素Treatment (價值$800)


至於未認識A-Plus的新朋友，我亦預備了一個指定treatment優惠，等你地有機會體驗一下A-Plus的醫學療程：

美國DermaQuest®醫學美容療程

醫學肌膚調節酵素療程

Collagen Enzyme Treatment

有效成份由木瓜及菠蘿酵素組成，可深層清潔肌膚及提高

護膚成份吸收能力。療程期間才將酵素粉劑及活化劑新鮮

混和，確保能發揮酵素的最高效能。

DermaQuest® Skin Therapy 特別將蛋白肽加入肌膚調

節酵素催化劑中，令皮膚加倍柔滑，回復年輕。

療程功效

● 去除表層老化皮膚細胞，皮膚「零隔膜」以助吸收其他護膚成份

● 療程後皮膚水潤補濕，加倍柔滑

● 提供即時提升緊緻，調節肌膚狀態

輕鬆試做價

$400 (原價$800)

Remark : 每人只能獲一次優惠，而各優惠不能同時使用。所有優惠，A-Plus保留最終決定權

電動微針Amts - 朋友仔V的分享！

又收到朋友仔的分享啦！朋友仔V好有心機分享佢做AMTS的過程，好感動呀！

唔知大家對微針既印象點呢?

係我既觀念入面

微針好恐怖

好大個滾軸係塊面度look黎look去

好痛 好多血 塊面爛哂

做既過程好易有細菌感染

而恢復期都要好長

同埋真係要平伏凹凸洞需要好多次(6-10次)

好多好多刺 諗起都覺得好恐怖

所以每一次聽到有人叫我做微針

每一次睇到有人分享依樣野

我都會不禁忽略左佢

因為怕痛怕血既我一定一定唔會做

即使幾多人同我講佢幾有效

但原來依個觀念係好多年前微針技術仲未成熟既時候

先至係咁

經過左咁多年之後

原來微針已經唔係咁既樣!!(當然有d落後既美容院可能仲採用緊依種)

其實每一次上黎a plus,

Anna 都會叫我:不如做下微針啦!

但我每一次都話 唔好啦= = 因為一直以黎都覺得好恐怖

上星期

當我搵Anna問下有咩好做果陣

我先知原來而家微針已經唔係用人手施力去look

本身我對微針果個抗拒亦因為唔同問題被解決而消除左

我諗好多人都會有以下既疑問,而我都煩左Anna勁耐XD:

1. 電動微針原理係咩?

透過滾動好幼細既針去創傷表皮層,從而刺激皮膚啟動免疫系統進行修護同埋令膠原蛋白增生,精華亦可以因為咁直接滲透到真皮層,達到增加皮膚彈性、減少皺紋令皮膚幼嫩.

2. 電動微針既好處/功效係咩?
   1）收毛孔
   2）平伏凹凸洞、暗瘡印、皺紋、疤痕、妊娠紋＝＞達到嫩膚既效果

3）提升鬆弛肌膚

4）無永久性疤痕

5）相對於其他treatment,電動微針癒合時間快 (大約4-5日)

6）連敏感皮膚既人都岩

7）其實平時既護膚品滲透度好低 (少於5％)但電動微針後滲透度會高好多(80－90%)

3. 係咪一做就要做好多次?
   其實果d只係佢地既推銷手段
   而家就算連醫生診所 都一定會迫人買course
   佢地已經唔會有逐次收費依樣野
   所以d人咪要一做就做6-10次 (視乎買course既次數)
   但係其實做幾多次 係根據你個人既要求
   所有treatment都唔會做一次就可以永久有靚皮膚架啦!
   你做護膚都要keep架!(聽完之後 心諗:係wo 點解我以前諗唔到既)
   你唔滿意既 咪做多次直到滿意為止囉!
   當然 每個月只可以做一次 做3次之後都要停一停
   所以其實無話要做幾多次既~
4. 微針個頭係咪好多刺刺架?
   果隻係舊式!!而家既...
   你睇埋落去就知架啦 :P
   
   
5. 微針頭唔係每次都會換架咩?
   原來唔係!!!以前舊式既微針頭係look十次先換!!
   換句話說,上個客人look完之後,你都係用同一個頭look!!
   我聽到之後勁驚訝
   咁咪即係上個客有咩菌阿 皮膚病阿 咪會傳到我度!? (心諗:好彩以前無諗過做微針)
   不過a plus就一直都唔用舊式微針
   佢地一入就入左AMTS (電動微針)
   分別就係電動微針一定要每次都換個新既頭
   而a plus都會係客人望到既情況之下 開個新包裝俾佢地睇 以表安全

6. 平時聽果d mm係咩黎?
   mm唔係=支針幾粗!!!
   而係講話支針幾長
   愈長當然創傷性 痛楚 修復需要時間愈高
   所以第一次做既話
   A plus唔會做太長
   多數0.3-1mm
   
   
7. 我好怕痛 係咪唔岩做微針?
   a plus係有fu麻醉既
   當然唔會話完全無知覺
   但你所feel到既痛 只係僅限於－你知道有人係塊面度「做緊野」
   
   

8. 成個過程要幾耐?
   麻醉：13分鐘
   電動微針：15分鐘內
   fu CO2 mask：30分鐘
   大約一小時吧：）

9. 做既過程/做完之後有無血架?
   有血!
   不過都要幾下你做幾多mm既針
   因為微針係創傷你既皮膚 藉住佢修復既時候
   平伏埋你既凹凸洞  (但你唔好期望可以一次就平哂)
   
   
10. 恢復期係咪好長時間?
    其實做完之後 只係紅 唔會有血滲出黎 而紅既時間都只係3-4日
    （按：咁咪即係仲短過Jessners!?）
    
    
11. 仲有條問題 相信每一個上黎A plus 既人都會問...
    你(Anna)有無做過?!
    Anna：梗係有啦!
    下一個問題：比起Jessners,你覺得邊隻work d?（其實我知係2樣唔同既野XD 但因為我只係做過煥膚 而我又覺得Jessners好work,所以就唯有咁問）
    Anna：我就係因為覺得work,仲突燈走埋去學點做電動微針!
    望到Anna 咁靚既皮膚
    真係好吸引...

問完之後

真係好心郁
原本係諗住上黎做多次jessners

結果就趺左入依個AMTS既深淵...

講左咁多廢話 終於入正題啦!
係做AMTS之前 Ceci好細心咁幫我洗左面先
跟住就開始fu麻藥
以前係皮膚科醫生度做laser 我係打麻醉針
上網睇blog 見到人地fu 麻藥 都覺得好新奇＋小小質疑一下 究竟係咪真係麻醉到
今次終於到我啦@@

美容師查哂麻藥係成塊面後 就會蓋上保鮮紙
原因係要令皮膚「抖唔到氣」就吸收哂d麻藥
達到麻醉效果
不過呢 因為依個係外用麻藥 所以效果只有15分鐘（由洗走麻藥開始計）

所以一陣唔可以引美容師講野 而佢都相信我會唔敢講野XD

要快快速速咁係15分鐘內整哂全面!

Fu完麻藥之後
美容師就拆微針頭俾我睇
完全係同我想像中唔同!!

依個係槍?筆?

總之就係放針既地方

上面既數字就係調教幾多mm既地方

一陣會用到既精華

跟住我就話：好細支阿@@
Ceci話：唔細啦!都有2ml一支架 total有4ml 你要記住你得一塊面ja
哈哈 笑左

之後就訓係度接受「酷刑」啦

真係驚到手汗都出埋＝＝

係洗走麻藥果陣 真係正如Anna所講：feel唔到d咩 但係知道有人做緊野咁

首先就係由下巴開始

唔知係咪fu左麻藥既關係

原來真係唔痛!!（以我咁怕痛既人黎講都唔痛呢!）

感覺就係超似有個電動牙刷係塊面度轉黎轉去

真係超似

偶爾都會有少少痛既

但係果種痛係接受到既
成個過程就係：下巴－＞右邊面－＞額頭－＞左邊面－＞nose－＞唇上面果個位

做完哂全面後 又會再做重點位置

之後就完成

發生一段小插曲：
做做下果陣Anna走左入黎
跟住就講nose做1mm啦
ceci就話：做梗啦!

果一下真係幾驚＝0＝

頭先明明話因為我第一次做,所以做0.75mm既＝0＝!?!?

搵個靚女整個「mm分佈圖」先!XD

（其實係每人唔同,視乎毛孔大小、做既次數同埋洞深淺程度）

額頭：支針咁短既原因係因為額頭係骨位,唔可以做到咁深,會痛死XD

鼻：當ceci同anna講我做緊1mm果陣,我勁驚同埋開始feel到痛orz （心理作用）不過諗住快d好番就會捱到過去架啦!!

臉頰：做緊顴骨位果陣真係比臉其他地方痛

下巴：雖然同臉頰一樣mm,但無咁痛:D

做完真係鬆一口氣

而麻藥真係開始退緊（開始有d痛＞＜）

時間掌握得岩岩好!

 跟住我就問ceci 可唔可以影一張相架?

我聽到既回答係：唔好啦!
我：但係我想睇下我而家個樣...
ceci：你自己影啦咁
我：我睇唔到mon嘛!你幫我影啦
ceci：我成手血wo!

我即刻睜開眼晴 心諗：成手血!?!

我以為微針係有血 不過應該唔會多到成手血吧!?!?!?!?

正當我諗住自己用電話影既時候
我睇到電話既倒影了（未開鏡頭）
嚇親＝0＝

塊面好多好深色既液體 成塊面濕哂!!!（血阿＞＜）

好彩無開前mon鏡頭

如果唔係真係好似睇恐怖片咁＝ ＝（奉勸大家都唔好睇為妙）

跟住我就默默收埋部電話 同ceci講：我都係唔影了.....

orz

跟住就fu CO2 mask
原來係連埋d血一齊fu@@

之後先抹走

fu果30分鐘真係訓唔著

因為麻藥退 d痛開始出黎
唔知係因為我皮膚乾得濟 定係因為d mask營養開始滲入皮膚
皮膚好吉＞＜

同埋係度胡思亂想 諗做完之後 皮膚會靚左幾多呢XD

30分鐘後

ceci又入番黎

抹走CO2 mask 後 查埋精華液就可以起身

跟住Anna就問我要唔要配埋精華番去

其實大部分人都會

因為既然用左咁多錢去做微針 都唔會想個效果唔好嘛

所以我都乖乖拎錢出黎買精華

拿埋face mask就拿拿臨番屋企lu!

番到屋企一照鏡

真係好紅..

我爸仲以為我個nose 燶左tim＝.＝

我突燈唔遮哂眼部,大家都睇到滾左同無滾既膚色差幾多=0=

同埋興興地咁

Close up! (毛孔好大>_<)

記得：

第一晚番到去 同埋 第二朝起身洗面都要用煲過既水（唔洗熱水）浸化妝棉抹面

塊面係接觸到水果一下有dd刺刺既感覺

不過無血!放心

抹完用紙巾輕輕印乾面

就開始用精華啦～

依盒就係精華

入面有10支 由右至左每一日用一支

其實每一個人果10支都唔同

因為我有暗瘡 所以就有埋暗瘡精華

由右至左

1-3 降紅補水精華 Anti-Couperose

4-5 玻尿酸精華 Hyaluronic Acid （唔知點解一聞到覺得好香@@）

6-7 去暗瘡精華 Anti-Acne（感覺依支效果最明顯,原本我有幾粒好似想發,第日就無左）

8 補水精華 Hydrating

9 美白 Whitening (嗚＞＜得一支....)

10 補水精華 Hydrating

第一晚就用哂第一支

之後二至十晚就早晚各用半支

佢有附埋開蓋器：）

中間有個位 一屈落去就會斷開

不過整斷前記得要用手指彈哂d精華落去先好屈阿!

倒哂精華液出黎 輕輕拍上面 再查補濕cream就可以訓嚕

第二日:

果然係之後果幾日,塊面勁鞋好似沙紙咁= =

經歷左十日既洗禮後

以下係我既效果圖 (同一光線下)：

左邊就做果日早上自己影既,右就係做完第9日影既

唔知大家睇唔睇到, 不過皮膚表面既凹凸不平既情況真係減少左好多!! (雖然生左粒野)

附上小小提示：

微針後既保養注意事項：

1. 多保濕 所有護膚品以溫和保濕為主!!(唔好用美白/酸類產品)
2. 勤力fu mask
3. 飲食方面7日內最好唔好飲酒、食煙、食刺激性既野(辣,煎炸野)、感光性植物都唔好食(芹菜、芫荽etc)
4. 一定一定要查防曬+開遮
5. 早睡早起促進新陳代謝

同埋我依十日得出來既小小建議：

1. fu mask：

－ 需要沖洗既mask,洗面－＞mask－＞精華－＞乳液

－ 不需沖洗既mask,洗面－＞精華－＞mask

－ 過夜mask,洗面－＞精華－＞mask

可能大部分人既會知正常應該係咁fu

但我第一二日就唔知點解諗唔起＝＝

兩日我都係fu不需沖洗既保濕mask,我果陣既step就係：

洗面－＞mask－＞抹走多餘 mask （仲有少少係度）－＞查精華－＞乳液

感覺就係唔太舒服＝＝結果轉左step就好好多了!

2. 紅色不明粒粒：

可能有人會好似我咁,

做完之後幾日,明明無食熱氣野,會爆左幾粒紅色凸起既野

但又唔係暗瘡

我果陣就係問anna,

佢就話有d人係咁,因為微針係會刺激更生，所以如果有暗瘡底(我就係啦!)就會出少少暗瘡！好在，Anna話等下就會退～

所以唔好驚XD

正常作息就ok!

好啦!報告完畢！希望我既經歷會令大家更了解電動微針AMTS啦！

*此乃個人感受分享，療程及產品效果皆因人而異。

**所有療程必須預約。如有任何爭議﹐A-Plus Beauty Medical Center保留最終決定。