男士護膚？又洗乜怕喎! 一支product 攪掂哂!

男仔容易俾人覺得 ”烏wear”、“油頭粉面” 或者 “不修邊幅”，咁係因為普遍而言，男仔油脂分泌比較旺盛，皮膚容易出油，而過盛的油分就會阻塞毛孔、形成暗粒、發炎之後變成暗瘡…如果有暗瘡的時候又唔好好護理，好容易演變成一發不可收拾的地步>.< 但皮膚出油都唔代表一定就係油脂旺盛而引起，絕大部分的人都係因為乾到出油！當皮膚水分不足o既時候，皮膚機制就會好聰明地自動釋放 "油分" 以滋潤我地o既皮膚，等唔好龜裂~ 

換言之，如果我地注意保濕，皮膚有足夠的水分，油分就會相對減小，對於選擇護膚品的標準，男仔往往要求簡單、方便、快捷，希望一支就搞得掂成個護膚程序，今次我地就想介紹日本醫學品牌- a² Pharmaceutical「Replenishing Complex 全效保濕滋養凝霜」。

 ($500/ 50g)

Complex用法同普通面霜一樣，洗完面就可以直接搽，質地介乎gel同cream之間。產品成分有透明質酸、EGF及蝦紅素，主要功能係補充水分、舒緩修復同埋抗氧化。普通皮膚一bump足夠搽全面，較乾的皮膚可能需要兩bump，用量因人而異，搽上面後好快就會吸入皮膚，唔會 "笠次次" 或者油光滿面，男仔最怕就係呢d感覺吧！？:P 

之前俾過呢隻sample俾身邊o既男仔朋友試用，佢地都覺得幾好！男仔朋友好好咁影低個texture比大家，可以睇下質地係咁o既~~~

要知道護膚並唔單單係女仔的專利！無論男或女都應該有適當的護理，唔好一係乾爭爭，一係油淋淋咁，要keep住個乾淨整潔的形象！因此再懶隋都需要有基本的護理 (洗面+面霜)！只係有時候女仔可能會要求多d，又想美白、又想緊緻、又想提升…所以會用多幾支不同功能的精華素。

當男仔只希望簡簡單單就夠o既時候，complex就係一個唔錯的選擇，價錢合理，用多左小小都唔會肉痛！另外，呢一支並唔係d "男士系列product"，只係佢特別符合男士們對護膚品的要求啫！所以女仔都一樣可以用佢o架！

下一次將會分享洗面product的重要性，介紹不同洗面產品的特點，以及分析不同皮膚類型需要，大家唔好以為洗面唔重要呀！諗下！清潔正正是我地護膚的第一個step呀，所以大家記得留意住喇！^^

Cheers,
Gigi



*此乃個人感受分享，產品效果皆因人而異。 


**產品價格如有任何爭議﹐A Plus Beauty Medical Center保留最終決定。

電動微針AMTS - 平價護理方法介紹

上次出完電動微針o既快速復原post，有唔少客人都問：如果無配曬d product用係咪就無效果呀？！ 又唔可以咁講o既...搽足護膚品效果當然好d啦！但如果budget有限，而又好想做微針改善皮膚，但又想快D降紅，我都有第二個介紹就係 - Renewderm Plus 洋蔥cream！

($480/ 50ml)

大家都知道做完微針一定乾，呢隻cream質地比較潤身，搽完之後因為好似有層薄膜包住皮膚，幫助舒緩到乾燥、紅腫、刺痛感覺！做完創傷性treatment後用係唔錯的，而且價錢相宜，搽多左都無咁肉痛！！但如果平時當day/ night cream我就覺得麻麻地，唔算好保濕、又無咩特別功效！

用法如下：
洗面 --> endocare/ lipomed --> 洋蔥cream

中午時候一樣用濕棉花抹一抹面作清潔先，之後補搽洋蔥cream，keep住塊面唔好乾！
溫馨提示：早上都係一樣要搽足防曬呀！
當然，一分錢一分貨…如果覺得上次介紹o既product太貴，呢支就岩曬啦！或者擺支o係屋企看門口都ok！

產品介紹

主要成分：

藍銅胜肽、表皮生長因子、光果甘草、洋蔥球莖萃取物、積雪草萃取物、甜菜鹼、綠豆籽萃取物、尿囊素

功效：

-       即時舒緩皮膚，紅腫，消炎防止細菌感染

-       有效治療小傷口及皮膚潰瘍

-       保濕鎖水、抗氧化

-       使細胞再生有效撫平幼紋

-       防止疤痕形成

-       收細毛孔

特點：

1.       適合任何皮膚使用 (包括濕疹、暗瘡皮膚)

2.       配方清爽，不油膩，份幼細，皮膚易於吸收

3.       日常早晚使用均可，如激光及創傷療程後可重複使用多次

想重溫電動微針4日復原post請瀏覽以下網址:

http://annaplusbeauty.blogspot.hk/2013/11/4.html

Cheers,
Gigi

*此乃個人感受分享，產品效果皆因人而異。 

**產品價格如有任何爭議﹐A Plus Beauty Medical Center保留最終決定。

A-PLUS 護膚品大檢閱 (中性偏乾皮膚)

工欲善其事，必先利其器，我相信大家都好清楚明白呢個道理。
但係，又有幾多人知道呢個道理一樣可以應用係皮膚方面?

我相信大部份嘅女士們都會明白皮膚係要保養嘅，
所以每一位女士都願意花費金錢，每一個月去美容院或者醫學美容中心去做療程 。

但係，佢地往往就忽略咗，其實我地日日喺屋企用嘅護膚品，先至係最重要既一環。

我就曾經見過一啲客人，佢地都好勤力每兩個星期就會做一次facial，
大家一定都會覺得佢地的效果會好好。但係，出奇地，佢地進度非常之緩慢，
只是減少咗暗瘡黑頭粉刺形成，但係就依然做唔到一個好明顯的改善。

於是乎，我就問佢地平日用咩護膚品架？非常之令我驚訝嘅係，
佢地竟然同我講，佢地用嘅係萬寧、屈臣氏嗰度賣嘅一啲開架品牌，
主要因為有好多選擇，五花八門好多唔同嘅品牌，而且價錢亦都唔係貴，
抱住試下無妨的心態。

但係坦白講，以一個咁平的價錢你哋有期望預計可以買到咩質素嘅護膚品？
要做到咁平，就一定要大量生產。大量生產後，就一定要有大量嘅防腐劑，
而有效成份就只有極少量嘅。

簡單如一支透明質酸精華，點解個Range可以由$70至$700？
$70果支，可能只有0.0001%的透明質酸，但依然可以稱為透明質酸精華。

當然我亦唔鼓勵大家要買一啲幾千蚊嘅產品。
因為貴價錢嘅產品唔代表佢裏面嘅成份真係有咁勁。
貴的原因，可以只因為佢哋星級代言人廣告。

所以，我只用醫學品牌，仲一定要有專利成份。
我覺得醫學品質，最少有認可性的醫學報告，
而可以有專利成份，就更加係花了長時間研究的成果。

我仲好奇怪TIM架，當一個醫學品牌開始慢慢轉型演變成係一個護膚品牌
甚至乎開始有代言人廣告嘅時候，我就唔會再選用。
因為佢已經唔再將資源被係研究而係擺咗喺marketing。

好啦，講左咁多我的心得，係時候分享下我平日用咩護膚品啦！
通常，我會隨住天氣的改變和皮膚的需要而轉用護膚品。
而我亦都會用完一支先再買新既。咁就唔會浪費。
而當要轉用新護膚品時，我一定先用sample，確定無敏感，先會買貨size。

以下就係我今個秋季日常保養既程序:-

 

 

日間

Step 1 - Kinerase 溫和潔面乳

添加綠茶萃取精華, 泡沐配方, 不含香料, 防腐劑及色素
可以高效清除面部污垢同化妝殘留物

Step 2 - Phyto-C Pro Heal Serum含純橄欖葉精華(Oleuropein)
防止皮膚老化 *
能有效控制發炎同強化免疫功能，對抗細菌感染 !
佢可以促進骨膠原蛋白同彈力蛋白增生，
幫助緊緻同減少細紋，均勻膚色

Step 3 - Dermaquest B5 精華
Dermaquest以專利科技提升35% 透明質酸鈉, 比市面同類產品
高達7倍! 可以直接滲透皮膚底層! 超勁保濕! 係我地A-PLUS 既HOT ITEM!

Step 4 - Floxia 去皺修護面霜
結合3重複合胜肽，減少肌肉收縮，有效撫平表情紋，特別額頭紋及眼尾紋。
不過會比較適合日間用, 夜間可能會覺得唔夠潤架!

Step5 -  Elta MD 防敏粉底防曬乳 UV Physical SPF 41 Tinted

適合敏感皮膚、激光後既皮膚什至係兒童肌膚!!
9%氧化鋅及7%氧化鈦 - 物理性超微平均幼薄粒子，無油輕薄配方
自然膚色，可當每天上妝粉底及激光後使用


夜間

Step 1 - Dermaquest 美白煥膚潔面乳

產品含有15% 取存於天然甘蔗中既甘醇酸唔單止可以做到深層潔淨，
更可以令皮膚柔滑細緻，即時見到白淨左

Step 2 - Phyto-C Superheal O-Live Gel
蘊含含維他命B5、胺基酸及結合革命性橄欖葉精華SUPERHEAL™專利配方，
提供強效癒合、抗炎、抗氧及保濕功效。
橄欖葉精華對玫瑰痤瘡, 乾癬及濕疹的患者有舒緩同埋加速傷口癒合等好處!

Step 3 - Phyto-C Superheal O-live Cream
橄欖葉精華SUPERHEAL™配方，
加入維他命A、C及E和Centella精華，充份滋潤肌膚，
提供抗炎、抗氧化及補水功效，令肌膚亮澤細緻，更添活力。

Step 4 - Jabu'she 24小時抗紋滋養眼霜
13% QAL -100
係去紋既皇牌眼霜!

如果大家對產品有任何既問題

可以隨時o係Facebook留言比我地 A-PLUS
https://www.facebook.com/aplusbeauty.com.hk,

 

打比我地2723-0616 或者 whatsapp 9087-6980 :)

 

Cheers,
Anna