2012年2月26日 星期日

増長眼脻毛液對戰!

天生內雙眼皮的我,最想擁有一雙大眼睛。


但又貪生怕死,而honey又極度反對,所以一直無做雙眼皮手術。如果可以打針就有雙眼皮,我一定衝去試!


既然無深深的雙眼皮,唯有轉移去濃密嘅眼睫毛啦!不幸地,我係完全學唔識痴假眼睫毛。咁就去植啦!試過不下10間。平嘅貴嘅,連大陸都試過。但結果係....仲衰過以前。靚得唔夠三曰,就開始甩,連自己嘅都甩理!!!!!係一忽忽咁無咗呀!無陰公!


永不放棄嘅我!就再試増長睫毛液啦!Ane, DHC, Talika, NTP 都試過,效果麻麻,係長到少少,但唔係濃密囉!


今次兩間醫學品牌代理都話佢地嘅超得。而Pauline啲睫毛又係超小和弱。於是就決定一人試一隻,作為期一個月嘅對戰啦!(以下嘅素顏照,希望唔會嚇到大家!)


Pauline嘅戰友:



 我嘅戰友:

2012年2月25日 星期六

我係點落妝?

早10年前未有落妝水,所以我都試過用落妝油落妝架。

牌字用過好多架!DHC, fancl,屈仔啲開架品牌都用過。但,當時已經發現皮膚多咗好多喑粒。仲成日以為係自己壓力大,攪成咁 (當日仲做緊consultation,要跑數架!)。

但後來落妝水嘅出現,我先知原來係落妝出咗事。轉用落妝水後,就發現皮膚暗粒開始減少了。原來落妝油嘅乳化過程做得唔好或足夠,咁皮膚會慢慢吸收咗啲油份,從而係皮膚底層積聚,而形成油脂瘡/暗粒。

嚟過A-Plus嘅都知我用bioderma嘅紅水幫大家落妝。我自己都係用佢。但,佢亦有缺點,就係落唔到眼妝嘅睫毛膏啦!所以,又要另外再搵專落眼嘅product。暫時,呢支kose係我嘅最愛。不論幾勁嘅防水睫毛膏都落到架!wakaka!






Bioderma 紅水,A-Plus有售,$120 (保證行貨架!hehe!)
Kose 眼落妝奶,莎莎有售,$55

2012年2月23日 星期四

最先進的半導體鐳射脫毛!

半導體鐳射 810nm.
發射波長800nm-810nm能量極高的紅外光,能量往皮膚更深層滲透,起到保護皮膚上皮組織的作用。所以脫毛嘅同時,亦可以做到收毛孔的效果。
內置冷凍頭,可以慢少脫毛時嘅痛楚!


付上朋友仔S嘅脫小腿記錄!

Hydra Facial 親身試驗

hydra facial到咗啦!大家可以一個療程,三年不老啦,wakaka!
Reenex 都有同一個treatment! 利用真空水力的吸啜功能,磨走及吸走面嘅角質死皮及汅垢,再導入tns人體生長因子,令膠原蛋白自我增新。
hydra facial 主要係激活細胞,自我製造骨膠原,提高細胞吸收能力。令皮膚有光澤,彈性,飽滿,毛孔收細。
 用呢個精華磨呀磨呀,死皮黑頭就bye bye
 就係咁磨下,吸下,唔痛架!有D吉吉地咁
 主角出場,TNS人體生長因子
 呢啲就係我啲污穢嘢啦!!!!!!!!!!!!!! >.<
係同一個位影架!唔知點解啲燈光色唔同嘅>.<
 
暗粒好似平咗啲

2012年2月14日 星期二

真的憤怒了!

一直想將我嘅第一篇blog文留係A-Plus grand opening當日先寫, 但今天所發生嘅事真係令我憤怒了!

我真的憤怒了!近日不停有人係討論區攻擊我。話咩打手,分身我都可以忍!但竟然有人屈我地整爛鼻,又話收$500按金。完全無咁嘅事!之前discuss討論區已經有打手打電話恐嚇我,叫我唔好收咁平,我都忍。但今次太過份了!完全屈我!我post埋比大家睇!
http://www.discuss.com.hk/redirect.php?tid=17854532&goto=lastpost#lastpost 

試問如果個鼻爛成咁,仲唔即刻打比我同告我地 ?

發生件咁嘅事,我仲敢擴張?唔通唔驚無客?

所有人都知我提供免費檢查,亦從來唔收訂 (sculptra除外).何來$500按金?

我自己係qualified trichologist,我會唔識答botox和透明質酸問題? 

幸好有客人心水清,記得嗰幅相係之前有news關於一個大陸女人自已從網上買透明質酸自已用而爛鼻嘅相

我會問律師朋友同警察朋友嘅意見。我保留一切法律追究嘅權利!