今次就想同大家分享下擁有皮膚問題朋友仔，有啲乜嘢係唔食得呢？
大家都知道其實皮膚同我地嘅身體狀況，生活習慣係息息相關。
例如鍾意食甜野和夜瞓嘅朋友，啲暗瘡通常都會生係額頭嘅位置。而腸胃消化及工作壓力大嘅朋友的暗
瘡就會生係下巴嘅位置啦！而有啲人又會對某啲食物特別敏感，我自己就親眼見到有一個朋友仔因為飲咗三盒奶而生到全面暗瘡啦！
而最常見嘅就係因為荷爾蒙失調而生嘅暗瘡，通常會生係面兩旁至到嘅位置。
所以要有好的皮膚，某程度上就有以下條件啦
1) 充足嘅休息時間。其實最好就係每日11點前瞓覺。不過我相信大部份香港人都係做唔到架啦！
2) 保持心境開朗。唔好比自己太大壓力。但係係香港呢個充滿壓力嘅環境生活，又真係好難無壓力咁喎！
既然以上兩點係咁難做到嘅話，咁我地唯有堅守第三個條件，就係要戒口啦！
但介口真係唔容易！最衰都係我honey，無啦啦買咗我最鍾意食嘅三角朱古力比我食，仲一次過買咗兩條大嘅，我就傻咗咁一晩清咗！
大家要緊記住有啲乜嘢係要少食，甚至唔食架啦！
牛、羊、鵝、鴨、田雞、鴿、蛇(如發癢戒雞皮)
所有菇類(包括靈芝) 、
所有海鮮(包括海草、海帶、昆布等)
辛辣煎炸食物、花生、腰果、糯米、花膠、酒精、咖啡、甜食(如朱古力)
橙、芒果、榴槤、木瓜、荔枝、菠蘿、龍眼、柿
黃豆、豆漿(豆腐除外) 、鮮奶、麵包、蛋糕
相信大家聽過呢個世界無醜嘅女人只有懶女人呢一句說話。我就覺得仲要加多一句就係介唔到口嘅女人。
