殿堂級755nm Laser 脫毛 - GentleLase Pro 登陸A-Plus啦!

由2012年8月15日起，GentleLase Pro 就開始為大家服務啦！

同810nm不同，GentleLase Pro內置冷凍系統，可以達到無痛脫毛。而且激光能量較大，更有效脫毛；無需重覆打同一位置，更節省時間，所以做4次便可以做到脫毛效果。

這部755nm GentleLase Pro暫時全港只有幾部。除了改良了一般755nm的壞處：就是不需要額外用冷風機，都可以做到無痛效果，一take過。另外，這部755nm GentleLase Pro仲有兩個強大面部功能，遲些再同大家公佈。

講返大家最關心既價錢
同以往不同，大家以後不需要再俾6次錢！只要俾4次錢，就可以享有永久保養。因為這部機做4次就做到永久脫毛既效果 ，而且兩個月做1次就夠。

Gentle Laser Pro price list:

每個部位必需連續做4次，8 星期一次，便可以享有永久保養。 永久保養期每2個月一次

細部位:

上唇: $500 一次

腋下: $800 一次

手指: $500 一次

腳指: $500 一次

後頸背: $800 一次

大部位:

上手臂360度: $2000 一次

前下手臂360度: $2000 一次

全手臂360度: $3800一次

大腿360度: $2400 一次

前小腿360度: $2400 一次

全腿360度: $4500一次

全背: $2800 一次

全面: $2800 一次

上半面: $1500 一次

凡打兩個大部位(同一日)，送一個細部位。

Remark: A-Plus激光脫毛之現有客顧，均可保留原有價格及條款，並自動升級享用新機GentleLase Pro。

一次電動微針既效果?

唔知大家仲記唔記得之前幫我做電動微針Amts嘅model - EVA呢？大家係咪都好想知佢做完之後嘅效果係點呢？今日就同大家分享返Eva改善皮膚嘅歷程啦！

每一次做完Amts，我都會建議客人係屋企連續用七日嘅收復精華。

蝸牛精華主要係加快做到修復嘅效果，令皮膚更加細緻同埋復原嘅時間都會快好多。

同 時，我亦都建議Eva配返一套適合佢嘅洗面、精華同埋面霜。Eva毛孔大嘅主要原因係因為佢嘅油脂線過份活躍，分泌過多嘅面油，從而令到毛孔過份擴張。所 以佢嘅洗面product一定要有足夠嘅清潔工能，再配合用純水份嘅精華同埋面霜。等皮膚充滿返水份，咁油脂線先至唔會過份活躍。

三個星期後，Eva再上嚟做treatment。因為佢嘅皮膚更新得比較慢，所以唔適合咁快再做Amts。所以我就幫佢選擇咗做一個激光嫰膚嘅treatment。laser facial主要係刺激皮膚底層骨膠原增生，令毛孔再收細，同時亦令皮膚更白和滑。

大家就睇下Eva做咗一次amts和一次laser facial之後，皮膚所得到既改善啦！當然仲未去到零毛孔嘅狀態，但係都明顯睇到改善嘅！大家為自己嘅皮膚繼續努力吧 ！

事先聲明，係同一個燈光下影架！皮膚白滑了一點，毛孔細了一點！

何謂永久脫毛？

每當接近夏天嘅時候，喺報章雜誌電視廣告出現得最多嘅，就係永久脫毛啦！當然，夏天喎，邊個女仔唔想可以show下自己嘅長腿，著背心短褲啊！但係，不雅嘅體毛確實係大煞風景！

脫毛方法有好多種，可以自己剃啦！用脫毛膏，脫毛機啦！最方便嘅當然就係做激光脫毛或彩光脫毛啦！

今日唔想討論用咩方法係最好。咁當然，大家都見A-Plus係有激光脫毛嘅，所以我當然認為最好係激光脫毛啦！

我今次反而想同大家研究下，到底有無永久脫毛呢一回事呢？嚟過A-Plus嘅朋友仔，都知道我從來唔會話我哋係永久脫毛，我哋只係承諾會提供永久保養。

其實對光學有認識嘅人都知道，根本係冇永久脫毛呢一回事嘅。何謂永久？永久即係永遠唔會再出現，你永遠唔會再見到。佢直接啲講，就係要將毛髮連根拔 起，100%完全毀滅。簡單啲，就即係打死左佢，死咗就當然唔會返生啦！例如三級既燒傷就可以令到毛囊永久死亡啦！

咁其實用激光就係咪真係可以做到呢一個效果呢？我可以好肯定咁答你，無論你用乜嘢波長嘅激光機，1064nm、755nm或810nm，都係冇可能會做到永久脫毛呢一個效果。因為激光只係一個熱能，令到毛囊受到破壞，令到佢去到一個好弱嘅地步，唔可以再製造黑色素，咁係視覺上，大家就覺得自己再無毛髮生長出來。但其實咁係唔係永遠嘅。

毛髮嘅生長元素，喺由我哋嘅賀爾蒙所控制嘅。所以當我地嘅荷爾蒙有改變，都會有機會令毛髮再重新生長。所以，即使係一間好出名嘅脫毛公司，佢哋從來唔會承諾客人嘅毛髮永遠唔再生，只會提供永久保養。即使毛髮再生，佢都會幫你免 費再脫。

所以大家唔好再俾果的寫住永久脫毛嘅廣告誤導。盡其量，只可以話做到99%，並非100%。

我個人認為，激光效果始終都係比較穩定。激光六次就可以令到你的毛囊去到好弱的狀態。但彩光就可能要做20次都未必做到，而且好快就會再生。

 
所以，大家一定要選擇有提供永久保養嘅脫毛中心呀！做一個精靈嘅消費者啊！

我和Jessners Peel有個約會

每一位新來的朋友仔，我都會問佢哋最想改善嘅係乜嘢。大部份嘅答案都係以下呢幾樣：去暗瘡、去印、令皮膚有番光澤、彈性、改善粗糙皮膚、凹凸洞、去斑和收 緊皮膚。

通常，佢哋最常做嘅一個動作就係，指住我嘅皮膚，話好想好似我啲皮膚咁，無毛孔同有光澤。而佢哋最常問嘅問題就係：Anna，你嘅皮膚係咪天生就係咁樣架？ 首先，我想講我從來都唔覺得自己嘅皮膚係完美。我仍然有好多空間可以改善。正如我成日都會話我地今日嘅皮膚一定比昨日差，因為我又老了一天了！

皮膚每一日都會衰老，所以，想有好的皮膚，根 本就係一個永遠永無休止嘅作戰。但係我從來都唔鼓勵大家麻木地去追求完美嘅皮膚。

先問大家一個問題，如果十年後你嘅皮膚同今日依然一模一樣，你們滿意嗎？ 我就非常滿意！所以，改善皮膚的第一步，便是要減慢皮膚衰老的速度，然後再針對問題，再做改善！

上一個月，Anna便做了一個甩皮的中層換膚，Jessners Peel。主要係用來解決暗粒和色素問題，例如暗瘡印和淺層色斑。

JESSNERS改良型更生療程

療程專皮膚更生系統，針對暗瘡性皮膚、發炎性暗瘡引起的色素沉著及堵塞毛孔，屬於性質温和的真皮更生治療，適合較敏感的亞洲皮膚。

JESSNERS改良型更生療程幫助肌膚控制油脂分泌、預防黑頭粉刺形成、撫平皺紋細紋及均衡皮膚色素，重拾健康美麗。

有效成份

水楊酸*SALICYLIC ACID – [14%]

 乳酸*LACTIC ACID – [14%]

間苯二酚*RESORCINOL - [14%]

功效

 解決色素沉著問題

 改善暗瘡性皮膚，疏通阻塞毛孔，回復幼嫩皮膚

控制油脂分泌

平滑細紋皺紋，均勻膚色

一如以住，大家最想就係睇下效果如何啦!