2012年10月19日 星期五

皮膚敏感點算好????

用錯Product而令到皮膚敏感,我相信每個女士都曾經經歷過。今次就同大家分享我的慘痛經驗.

話說之前做完carbon laser,皮膚少不免有點乾。
我又記得買咗一隻mask差不多有半年都未開封,於是乎就諗住用佢嚟做保濕啦!

點知一用就出事!用咗唔夠五分鐘,就開始覺得塊面好興同好痕。即刻嗱嗱臨用水沖,沖完之後就已經即刻起敏感啦!塊面一達達紅咗,好多敏感粒粒即刻浮咗出嚟,有啲仲要又紅又腫。


呢支就係今次的兇手啦!成千蚊支架!唯有試下用黎敷手啦!
係 呢個時候,唯有立即用冰水療法去令受咗刺激嘅皮膚降溫先。方法其實好簡單,首先雪櫃要長期預備一支煲過嘅凍水,然後將凍水倒落乾淨嘅棉花上面,再敷係敏感 皮膚上面。大約三分鐘後就更換新嘅凍棉花。如是者通常做三至四次,塊面熱和紅嘅情況就會慢慢舒緩落嚟。因為皮膚已經受了刺激,所以就唔會再用任何精華素, 只係好簡單咁厚查一啲純水份面霜就可以架啦。我自已就厚查Phtyo-C Olive Cream,佢係我敏感的急救面霜。

第 二日塊面就好咗好多。但由於皮膚底層已經受到刺激,同時間連帶油脂缐都會過份活躍咗。因此,敏感之後,大家就會發覺多咗暗粒同暗瘡啦!如果係無發炎的暗 粒,只要敷多幾日純水份的mask和厚查水份cream,暗粒過幾日就謝。但如果係發左炎,型成暗瘡,就要比治療師幫你用針清將暗瘡箘清除啦!

粒粒少左,無再紅腫啦!

我就不幸地出左暗瘡啦!但皮膚已經受剌激,唔可以再做peel啦!於是乎就做補濕去黃的Moisture Treatment,Kay就再用
針清將我的暗瘡清除啦!
通常要再過一個星期,皮膚先會復原。

所以,短短5分鐘對皮膚造成的傷害,住住要花上數十倍的時間去修復。

以上係因為用錯product而引致敏感的處理方法,如果係因為其他原因而敏感,就可能要查抗敏消炎的藥膏啦!

沒有留言:

張貼留言