合理的價錢，享受5星級的療程和效果，你喜歡嗎？

仲記得一週年記念時，我許下以下幾個願望：

1) 增添一部皮膚分析機，令大家可以更了解自已皮膚的需要
2) 增添人手，希望可以花多點時間係每一位朋友仔身上，提供更貼心的服務
3) 開創A-Plus fans card，令定時黎扮靚靚的朋友仔可以得到更多的優惠
4) 不斷尋求更好而有效的treatment
5) 每星期出一篇blog文

但當我想實行時，就發覺困難重重，尤期係第1和2，係有限的空間下，根本無法完成。再加上，每一日都聽到Karen係電話不停講：＂唔好意思，full左booking啦，最快要下星期先有位。＂更嚴重係，朋友仔見到我，十個有九個會話：＂Anna，你地越來越難book啦！早兩個星期都book唔到呀！＂

於是乎，我又作出我人生另一個重大決定，就係將A-Plus擴充啦！幸運地，係同一座大廈租到了一個全層的單位，今日仲簽了新的租約。希望可以係七月左右為大家服務啦！係呢段時間，希望大家多多包容。

好快，A-Plus將會全面提升我地的服務質素，務求令大家可以用最合理的價錢，享受5星級的療程和效果。