A-PLUS 既十月優惠出左喇! 你like左未呀?

踏入秋天我地要勤力d保養我地既皮膚喇!

你like左我地Facebook page未呢? 

只要like一like 就可以enjoy我地十月既優惠喇!

今個月我地有以下呢3個優惠: 

脫毛優惠 - 雙效冷凍．激光脫毛優惠低至半價

於10月以正價脫一個部位，第二個部位即可享半價優惠。

例子: 小腿+前臂脫毛 = 小腿（$2400x4次付款）+前臂（$2000x2次付款）

(PS: 半價之療程以價格較低療程作準!) 

我地A-PLUS採用GentleLasePro透過755nm激光能量,
快速破壞毛囊根部同時以冷凍噴霧保護表皮層, 減低表皮受損機會及痛楚。

另外更增設Cryo6 Cold Air Device, 怕痛既朋友唔洗驚喇,
因為呢個冷風機可以帶比大家雙重呵護 ^^

醫學煥膚優惠 - 做任何煥膚療程即送Collagen面膜無針破壁導入價值$600

因為轉季, 皮膚會變得脆弱, 乾炆炆! 但皮膚本身又有d 印, 有d暗淡無光,

想做個peel 改善膚質點知又怕做完會乾, 咁點算呢?

於10月做任何煥膚treatment就額外配一個骨膠原面膜無針導入!

呢個無針破壁導入有咩好? 就係利用電穿孔和電滲透的原理, 可以o係唔洗注射既情況之下，

直接向細胞內層輸送營養，直接o係細胞內部發揮功效，治療皮膚問題。

而我地呢部導入機既滲透力好高, 我地只要做5分鐘既導入已經等同坊間既15分鐘導入!

將精華快速"bump"入客人既皮膚, 強化番皮膚既底層! 咁呢個療程就更加事半功倍啦! =D

醫學護膚產品優惠 - 購買任何兩件正價護膚產品，第二件貨品可享七折

好多客問我地product會唔會做promotion! 係會架! 就係今個月喇!

一轉季大家都會配番支精華同埋一d潤d既面霜! 咁所以大家要把握機會喇!

希望各位朋友會滿意我地今次十月既OFFER啦! 

未認識A-PLUS既朋友, 快D FOLLOW我地啦, 

而我地係所有療程都係逐次收費架, 大家可以按唔同既需要而

上黎做番唔同既TREATMENT! 

有D咩問題, 大家可以隨時o係度/ facebook 留言比我地架^^

Cheers,

Chloe

我和Jessners Peel的兩週年記念

上年差不多呢個時候，寫咗第一篇blog文關於Jessners Peel。話咁快又一年啦！又係我同佢相聚嘅時候。

大家都知道我經常會接觸好多新嘅療程，大部份嘅效果同A-Plus本身已經有的treatment很相近（尤其係peel）所以唔會考慮引入。小部分嘅係會令到我皮膚仲差過之前。>.<

咁當然，一年就總會遇到兩三個療程我係覺得OK，可以引入做新treatment。亦因為咁，我其實係好少機會重複做返本身A-Plus已經有嘅treatment架。所以，有幸比我特別欽點做嘅Facial系好矜貴架！（haha！好似以前啲皇帝點燈咁！）而Jessners Peel今次又再次成為受我龐愛的妃子！

每年夏天，我嘅皮膚都會受到暗瘡的困擾。唔知係咪天氣變得潮濕，我嘅皮膚就不期然會變得好敏感同爆多幾粒瘡。今年仲慘，係七月試咗一隻新treatment，就令到我皮膚嚴重敏感和缺水，簡直令我痛不欲生！（咁當然呢個treatment係無機會係A-Plus出現啦！）忙完7樓開張後，終於有時間定落嚟，咁我就當然要攪番好我嘅皮膚啦！

Jessners Peel 的成份和效果，大家可以參考返上次的Blog文。
http://annaplusbeauty.blogspot.hk/2012/07/jessners-peel.html

今次主要係比大就睇下個過程和護理。

首先，睇下事前相，好樣衰呀！

做完Jessners Peel，8個小時唔可以洗面架！

開始好鬼乾，要不停查補濕cream。我今次就用Phyto C 嘅 B5 水份 cream。仲有一樣產品係一定要用既，就係防曬啦！我就會用Elat md 46 無色防曬。

甩皮啦！要忍手唔好搣D皮呀！

甩皮越來越嚴重啦！

甩皮情況持續，今日開始就敷多啲水份mask，皮膚充滿水份，甩皮都會甩多啲，亦都更好效果! 而我就試用新的降紅補濕mask! 效果超好，嗚.....好感動，終於尋覓到一隻平靚正嘅 paper mask比大家用啦！
 

可以化到妝啦！其實我係好少化妝嘅，真係需要時，我就會用我用Elat md 41 當based, 再掃bare mineral 礦物粉。

 

白滑皮膚重現！冇左之前嘅暗啞，皮膚滑左，毛孔細左，暗粒拜拜，又一次成功幫皮膚大掃除！

想令到Jessners Peel 發揮到最大效果，要訣就係要勤力搽補濕cream，係不停咁查架！再由第五日開始晚晚敷補濕mask，令到皮膚充滿水份，自然就會甩皮甩得靚啦！

所有相片都係同一地方和燈光下影架，亦無用任何電腦效果架！而且全部都係晚上洗完面後，未用任何skin care前影，所以皮膚有少少泛紅 (做完Jessners Peel當晚除外)。

Jessners Peel : $1000 一次

Love,

Anna

*

*此乃個人感受分享，療程效果皆因人而異。

**所有療程必須預約。如有任何爭議﹐A-Plus Beauty Medical Center保留最終決定。

我的濕疹心路歷程大公開 (Part1)

大家好我係Chloe!
最近好多朋友仔都問我地敏感皮膚要點樣護理!

我諗由我同大家解答係最合適喇!
因為我係一個超級極度敏感既人!

細細個已經有濕疹嘅我, 成日皮膚乾, 一係就紅到一撻撻,
見到其他女仔皮膚又白又滑真係好羨慕!
細個就已經開始搽類固醇, 食敏感丸, 食到無晒feel。
一轉天氣就發作, 塊面又紅又腫....完全唔想出街見人!



其實有邊個女仔唔想靚吖？每當見到有唔同嘅skincare聲稱係防敏感我就買嚟搽，由counter brand到醫學品牌，好多你講得出我都買過來試！敢於嘗試, 敢於挑戰嘅我, 亦試過好懶醒地買一咋聲稱食完皮膚靚嘅健康食品, 有冇效果...? 對我黎講係冇既!


濕疹其實係自身免疫系統失調! 不過係有得救既! 
我知道冇圖冇真相, 所以我鼓起勇氣.....
比大家睇下我個難受既過程....!>.<!嗚嗚!

內在抗戰
嘅奮鬥史包括驗ige, 自然療法, 西醫, 同中醫。而對我最有效嘅係中醫！
當然, 睇中醫係需要一段較長嘅時間先見到效果。而且患者需要有無窮嘅定力, 例如:

1) 飲食
    - 介口 冇甜、冇熱氣、冇辣、冇凍同冇酒精。
    - 盡量唔好食海鮮, 牛肉。
    - 食野清淡, 多飲湯水, 生果, 定時進餐係走唔甩。

2) 生活習慣
    - 要早訓
    - 要經常打掃屋企, 因為塵埃往往係我地最容易忽略嘅過敏原！
    - 要多做運動, 增強免疫力。
    - 避免逗留喺強烈陽光, 潮濕或焗熱嘅地方。

3) 心理質素
   情緒係關鍵, 心情差無助康復, 仲會令情況惡化!
   我係一個極度暴躁既人.. 一大壓力, 一炆爭就會爆粒粒! 
   認識我既朋友..同我講最多既一個字就係.... "relax"喇 哈哈哈!
   雖然爛面真係好唔開心.... 我完全明白...因為有時見到塊爛面真係好想喊...
   不過老套d講, 希望在明天! 心情放鬆d，唔好形住, 好又一日唔好又一日,
   你愈理佢, 佢就愈衰.. 唔好成日望住塊鏡, 搵其他野做分散自己注意,
   同d 樂觀既朋友出街, 其實會快d 好番架! : D


皮膚護理
當然唔可以鬆懈! 仲要更加細心咁選擇產品!
而我就係用以下嘅產品㗎喇:


1) 清潔
            Step 1:  落妝 - Bioderma 紅水 
            Step 2:  普通清潔 - Floxia 燕麥洗面Foam
                                  細滑既泡泡唔單止可以帶走d污衊仲可以避免到雙手接觸到皮膚, 
                                  用完好舒服唔會乾!

2) 保濕

             精華素:  Skinmedica Hydrating Complex
                                           已經用多過十支, 份子夠細, "jup"一聲將精華送到皮膚底層! 

                眼霜:     Jabu'she 抗紋Eye Cream
                                            成日用電腦, 又夜訓, 同埋成日化眼妝, 畫完又落, 落完又畫, 好易出紋同乾,
                                            呢支我諗唔洗多講, 有做開research 既朋友上網都見人大讚!
                                   
                 面霜:  Floxia Regenerating Cream/ Moisture Soothung Fluid
                                         兩年前做laser已經認識Floxia, regenerating cream質地好輕身,
                                         可以舒緩敏感泛紅肌.. 不過可能冬天就會覺得佢太薄唔夠潤。 

                                         我係加入左a-plus先試埋佢地既soothing fluid, 大大支, 
                                         搽面又得搽手又得, 一啲都唔肉赤！

                面膜:  Apivita Express Mask Royal Jelly/Oatmeal 
                                       我係唔鐘意同唔敢用paper mask的, 選擇錯誤好容易爛面..
                                       例如好多人話好用既 Dr. Wx , 我係用完即腫..... 對呢個牌子完全冇哂好感!

                           Avene Soothing Mask
                                        敏感勁乾又唔知可以用咩既時候我會用佢! 可降紅, 但唔好諗住可以好保濕!

3) 皮膚最最最大獲時 (濕疹發作)


         我係唔會化妝既! 我知道有D朋友死都要化, 話醜樣..
        (我舊時都會做D咁傻豬既野)
         但你愈化...就愈耐先好得番.. 所以:

         洗面: Floxia 燕麥洗面Foam  ---> 面霜: Bioderma PO Zinc/ Floxia Regenerating Cream --> DONE! 



化妝

            防曬: Floxia UHP Tint Cream 有色防曬 spf50+
                                有時趕出門口搽完掃兩嘢碎粉就閃人, 超方便, 唔乾,
                                佢係帶粉紅免咁既防曬, 搽完面色靚d!  

           粉底:  已經好耐冇用liquid foundation，因為覺得好厚!
                      bareminerals 係暫時最適合我嘅牌子^^
                                如果嗰日想化全妝通常我會用foundation powder 最後用mineral veil!
                                但平日畫條眼線就算的話我就會sunscreen -> mineral veil!

           眼影: Stila/ Too faced/ Benefit Eyeshadow Palette
                               一個貪心既人通常鐘意一盒眼影有幾隻色, 我就係o個種人!!
                               而且呢3個牌子既packaging都好靚.. 忍唔住就中左去買>.<

           指甲油: Zoya
                                     不含甲苯, 甲醛, 鄰苯二甲酸二丁酯 (DBP)等成分, 聲稱連孕婦可以用,
                                     所以.....琴日我又走左去買^^ 咁多顏色見到都開心呀! 

(好番就可以化妝喇! ^.^
張相絕無PS!!!!!!絕對真實)


下一part我會講下我呢d敏感皮膚可以做到咩treatment! 

Bye Bye!! 

Cheers,
Chloe




(上述只屬個人分享)

A-PLUS 9月美肌三重賞優惠 + Anna Yahoo Blog最新搬家通知!

大家好! 我係Chloe, A-PLUS 既Marketing 同事,

如果有睇開我地Blog的話都知道我地開左7樓,
Anna 同其他同事既工作量又變得緊張喇!
所以我都會幫手 update 我地A-PLUS既新消息,
分享多D 扮靚資訊比大家!

9月份優惠又黎喇! 時間真係過得好快,
諗Promotion都諗到頭痕呀!
黎緊10月既優惠我地決定o係Facebook諮詢大家既意見!
盡量滿足大家扮靚既要求!

 

有留意我地Facebook既朋友唔知有冇發現到
今個月多左上面個靚靚頭像呢? ^^
我諗有上過黎A-PLUS既朋友都會認到呢個係Anna 架喇,
以後Anna染左頭髮, 剪左咩新髮型,
大家只要留意我地每月既優惠就會睇到!

新朋友以後上黎做皮膚分析, treatment又好..
望下髮型好快就會spot到佢喇 (^0^)/


有一個好失望既消息就係Yahoo Blog將會關閉喇....
唔知大家係點樣知道有A-PLUS架呢?
而我自己我本身係A-PLUS既客人黎架,
認識到A-PLUS 其實就係因為睇左Anna個Blog! ^++^
所以我親身明白到對大家了解我地係幾咁重要!!

雖然係有點失望同麻煩, 不過大家放心!
Anna一直以黎既心血係唔會就咁冇左既,
我地而家已經努力的螞蟻搬家, 將以前既文完完整整放番係Blogspot呢度!希望大家多多支持我地!
如果大家有美容問題想知多d了解多d, 除左上黎A-PLUS之外,
可以o係度留言比Anna! Anna會一一回答大家,
 
我地亦會出多d video 係:-
Youtube: http://www.youtube.com/user/aplusbeauty27230616
instagram: aplusbeauty

比新朋友仔了解我地A-PLUS既一點一滴!
 

好啦講完一大段野,
呢個九月我地要同大家分享以下既 "美肌三重賞" !

$1500雙效冷凍"激"走毛毛 - 前臂360度連手肘激光脫毛

• 優惠價 $1500/次 (原價: $2000/次)
• 只要大家o係9月份首次接受前臂激光脫毛服務,
  跟住既3次脫毛都係$1500一次!
• $6000做夠4次就永久保養! 足足慳左$2000!
  夠大家做多3次facial呀!

想了解多d可以睇下Akina同埋Yan既分享:
AKINA: http://blog.yahoo.com/Akina/articles/1201069/index
YAN: http://blog.yahoo.com/yanbeauty/articles/1201072/index

$400 Skinmedica 活肌妍亮煥膚療程 - 趕走暗啞問題肌

• 優惠價 $400/次 (原價: $600/次)
• 非常溫和既煥膚療程﹐連比較敏感既皮膚都可以做!
• 主要成分包括 AHA杏仁酸, 蘋果酸, BHA 水楊酸, 植酸, 間苯二酚,  維他命原B5 ﹐
  有效溫和去除角質之餘同時可以淡化色素﹐幫助修護光老化,  幼紋,  皺紋,
  為肌膚增加緊緻度同光輝感!

做Perfector提升緊繳皮膚仲送你Jabu'she 眼霜/ Floxia 面霜乙支

• Perfector利用諾貝爾生理醫學獎科技，透過「納米電流」，
  以最親膚與迅速導入既方式無創咁修復皮膚底層細胞，改善肌膚鬆弛既問題。
  同時促進皮膚膠原增生，同細紋，黑眼圈講bye bye!
• 咁做完要點樣keep住小v面呢? 我地已經細心咁幫大家諗埋點保養喇!
  只要你o係9月份第一次黎做Perfector 就可以免費送你Jabu'she眼霜(價值: $565)
  或者Floxia去皺修護面霜 (價值: $585)一支! 名額只有100位, 先到先得!
  

想enjoy呢三個優惠其實好簡單架咋,
只要上我地Facebook page "like"一"like"就可以享有呢三個優惠了!

桌面版:http://goo.gl/luoGfc
手機版:http://goo.gl/VBcKO0



記住啊! A-PLUS所有療程必需預約,
電話: 2723-0616/ 9087-6980 (whatsapp)


Cheers,
Chloe