2014年9月15日 星期一

唔要粗糙毛孔?Co2 Laser Facial幫到你!

每日我地不論係A-PLUS的facebook定係接電話,
客人最常問既問題都係問呢個treatment同個個treatment有咩分別呀?

我既情況做A好d定係B好d定係C好呀? 

再加上A-PLUS係6月既時候我地設置左意見箱,
有好多客人都反映話希望我地可以講多d唔同treatment到底係針對咩皮膚去做會更加適合既。
有見及此,
我地就會開始寫一連串既blog係關於我地唔同既treatment針對唔同皮膚既問題,
希望大家能夠了解清楚多d!

今次講既就係最新鮮滾熱辣既Co2 laser facial。
其實呢個facial都可以話係Anna自己研究創出黎既! 
本身我地部Co2 laser機係一部Fractional Co2再加Co2 laser黎既。 
Co2 laser其實就係可以將激光聚焦成為好似一把刀咁,
所以係可以做到去
而呢部機亦都有另外一個function叫Fractional Co2 —分段式激光。
呢一個function主要係要黎做凹凸洞既,
但係呢個既創傷係比較大,
做得呢個function既都係一d嚴重凹凸洞既朋友仔先會做架啦! 同埋做完之後都要預期係紅兩至三星期。
當然亦都係因人而異既!

每位女仕都想收毛孔,
個個都想自己係無乜毛孔架啦!
但又未至於係凹凸洞,
只係粗毛孔,
又或者唔可以承受咁長既down time喎! 
咁有咩可以做呢?

於是Anna就諗其實我地可唔可以唔開咁高既能量,
咁就可以令到down time減短,
但係又會有d效果睇到呢? 

所以我地又嘗試左一段時間,
將呢個方法嘗試係一d好薄既皮膚同一d粗糙既皮膚上,
我地發覺原來用低能量將佢用係皮膚上行一round都可以做到嫩膚既效果!
當然,如係凹凸洞既話就唔會見到有太大既改善 (直接做返AMTS or scarlet or fractional co2 laser啦!)

但如果係粗糙毛孔既話其實效果出黎都幾明顯既!
另外我地更發現到原來呢個方法對於比較暗黃既膚色成個既skin tone係白淨左好多!
仲可以減少面油。
我地搵左一個面油好多,
甚至乎d面油係幾臭既男仔,
係做完呢個treatment之後,
發現收面油既效果都係好好既! 
連佢原本d面油臭臭地既情況都改善埋!
所以做Co2 laser facial係適合一d比較粗糙既毛孔、想做完treatment可以白淨d既、而又唔想有好多既down time既話就好適合做呢個treatment啦! 

咁到底呢個treatment做完既down time係點呢? 
其實係做完之後個日都係會紅既,
其實第二日女士們都已經可以正常化到妝架啦! 
但佢就好得意既! 
人地望你就望唔出d咩既,
但自己摸就會覺得皮膚比較粗糙,
好似沙紙咁有d一粒粒!
其實過兩三日之後佢就會自己慢慢甩走架啦!
個d一粒粒其實係一d好細既焦黎既,
等佢甩走左之後你既皮膚就會好似重新咁,會好滑架! 
其實滑都係呢部機能夠做到既一個幾大效果黎! 

如果你係有粗毛孔或者係想再收細d毛孔既、比較暗啞、接受到自己有兩三日有塊沙紙面既話就可以做Co2 laser facial! 其實係做完Co2 laser facial皮膚真係會好似有種重新生左出黎既感覺!

今次我地嘅model係A-PLUS真正既老闆(姐係Anna個老公!)
佢既毛孔都係好粗糙! 
佢亦都係好怕痛同埋唔想塊面好肉酸既人黎既
所以佢就試左Co2 laser facial!
(其實最主要都係因為Anna有左bb所以唔試得姐,哈哈!) 
而佢就總共做左3次,
我地亦都發覺男士個種粗既毛孔都可以收到,
明顯係滑淨左既! 








大家睇得出邊張係前後相吧>v< 總括一下改善左d咩啦!做左3次Co2 laser facial後, 全面膚色都變得均勻一致、白淨!望落去自然皮膚乾淨左!膚質方面的改善都有明顯效果,當中最好的好處係油脂分泌少左!當油脂分泌減少,長遠有助減少細菌滋生,自然暗瘡、暗粒都會少d!最後張圖當然比大家睇反,毛孔收細左架!

溫馨小提示:因為Co2 laser facial係一個效能大的創傷性laser treatment,所以反黑的機會都會比較高!為左將treatment風險減到最低,我地要求客人配反一盒「7日預防反黑cream」。第一次做treatment的朋友仔,我地會free一盒等你地試左質感先,第二次就要自行配反o架喇!價錢為$100一盒

用法:療程後第三日開始早晚用,先搽精華,之後用「7日預防反黑cream」,等反黑cream 1-2mins吸收曬,最後用反自己平時的cream就可以了!


CO2 Laser Facial : $1000 per time
下次再同大家係blog分享其他treatment啦!

Love,
Anna 

*此乃個人感受分享,療程效果皆因人而異。
**所有療程必須預約。如有任何爭議﹐A-PLUS Beauty Medical Center保留最終決定。

23 則留言:

  1. 請問去唔去到暗瘡印?明顯嗎?

    回覆刪除
    回覆
    1. 如果係黑色的暗瘡印,co2 laser facial可以幫助減淺架!

      刪除
  2. 如果皮膚比較容易敏感可以做嗎?幾耐做一次?

    回覆刪除
  3. 同打1064相比,打左邊隻會紅d?

    回覆刪除
  4. 之前倣過你地既AMTS 想問一下最大既分別系咩?同埋本身有D深層既粉刺同小些洞洞 上網聽說AMTS會令豆豆粉刺愈積愈深 想知系咪真 CO2又會吾會?如果想清深層D既粉刺有無咩療程好?

    回覆刪除
    回覆
    1. 你好,AMTS係主要做番凹凸洞,同時可以做到收毛孔同時改善膚質,而CO2 LASER係針對皮膚比較粗糙既皮膚,可以收毛孔同時收油脂。但唔會令到豆豆粉刺愈積愈深,相反會令皮膚底層既污糟野推出,只要你FULL番多D MASK就OKAY LA~

      刪除
  5. CO2只係收毛孔,白啲,請問有冇提升效果?

    回覆刪除
    回覆
    1. for 提升效果, you better consider scarlet or perfector treatment

      刪除
  6. 請問皮膚有暗瘡做唔做得?

    回覆刪除
  7. 你好,暗瘡範圍不大的話都可以做,不過建議可以比治療師望左實際情況先 ^_^

    回覆刪除
  8. 回覆
    1. 反黑是指比原先的範圍更大,或者更深色。

      刪除
  9. laser facial 包括咩服務???
    嚴重黑頭可以做?

    回覆刪除
  10. 作者已經移除這則留言。

    回覆刪除
  11. 你好,我毛孔嚴重粗大,有凹凸洞,不知道應該做Amts還是laser?

    回覆刪除
    回覆
    1. 可以做amts 或者scarlet ,建議你可以黎做個免費咨詢先,治療師會睇番你皮膚狀況,建議你適合既療程

      刪除
  12. 我係鼻頭毛孔粗大,請問做幾多次先會收到無洞?
    問題開始緩解後,要隔幾耐再做,定係一了百了?

    回覆刪除
    回覆
    1. 你好,因為皮膚會keep住分泌油脂,所以唔會做到完全無毛孔架。建議你可以做個免費咨詢先,治療師會睇番你皮膚狀況,建議你適合既療程

      刪除
  13. Hi 我的皮膚底層較乾,多暗粒,因以前亂用果酸產品令皮膚泛紅,敏感。還有毛孔十分粗大的問題。主要想改善毛孔問題,請問較適合做AMTS還是CO2 Laser?

    回覆刪除