(Blogger 分享文) 最近一擊,拜拜喇毛毛~~@A-PLUS

療程之前兩天需要先自行剃毛，因為短少既毛頭，先可以將療程效果發揮得最好。A-PLUS既激光脫毛，運用激光配合冷風，大大減低痛楚。兩邊腋下完成連清潔，療程的時間只需５分鐘，之後再搽返爽膚水同lotion就可以離開！一齊睇下Blogger Manyee既分享啦！

**************************************************************

0係打呢篇文之前，其實好想先講下自己既脫毛經驗，其實本人腋下既毛毛，真係非常極之無敵咁頑強，細個既時候，唔識去護理，成日都係剃同抆(細個冇錢係咁ka la ....)
到大個左做左 Blogger，開始認識Laser，彩光等等永久性脫毛科技，

Laser：0係某美容院試做過，我唔知係度數唔適合自己定點？
效果唔大，而且做完毛毛好似仲活躍左。。

彩光：自費０係一間小型美容院做過幾次，
當時其實想淡化色素，因為當時仲有大半年就Big Day，
自己都唔想Big Day一舉手就見到腋下黑左兩撻。。。
當時想問果酸美白，但美容院老闆娘極力推薦彩光，話會做到美白又順道脫毛，做左幾次之後，毛毛係出得慢左，但色素問題毫無改善，到再問一下老闆娘，佢竟然突然轉口風，話要美白Laser先做到...
咁我問0個時你又話Laser同果酸都冇用，要用彩光？
就係咁嘈左２句，我永世都冇再上去，買左既彩光Package亦已經冇理，反正唔貴。

０係我對毛毛採取放棄態度既婚後幾個月，
突然收到A-Plus既邀請，而整個試做療程為４次，
大約６－８星期一次

剛上到去，工作人員就詳細地為我講解整個療程需要注意既地方，同療程後要注意既事項，整份Agreement都好詳細。

同時，我亦有問過如果唔係試做，而係自費既價錢，我發現A-Plus有樣野好得我心，就係逐次收費，我詢問期間剛好做緊Promotion，腋下脫毛約$600一次，基本上４次之後就有保養，換言之４次之後，如果仲有毛毛好頑強咁走出黎，A-Plus亦會免費幫係處理左佢

唔好意思，呢張圖係有Ｄ嘔心，
因為我有剃腋毛習慣，加上大汗，
所以黑色素有一定累積（所以之前先想做美白嘛。。。）

療程之前２日係需要剃毛，因為需要要少少短既毛頭，先可以將療程效果發揮得最好，
其實之前我亦有收到SMS提醒，但收工返到屋企就好自然失憶。。。
所以，麻煩工作人員了。哈哈。。。。
剃刀我親眼睇住用完即棄，確保衛生。
（我真係見過有美容完用完用酒精抺就算）

一切準備就緒，消毒好諼眼鏡戴好，就可以開始囉～

Laser配合冷風，可以令痛感大大減低，
以前做Laser試過冇冷風，真係下下都哎呀左出聲～哈哈
成個過程好快，兩邊腋下做晒連清潔都只係５分鐘，之後再搽返爽膚水同lotion就可以離開喇

離開後仲收到貼心既提醒，感覺好warm，
右圖係我療程後６星期時影，
毛毛依然有，但出得好慢，慢到。。。。

我６星期先見到有毛毛出現，效果非常滿意
到而家為止，其實我已經做左２次療程，
因為第一次療程我完全冇紅腫，痕癢等徵狀，
所以有Ｄ掉以輕心，第二次療程完左第二日就去做運動。。。
結果之後就感到有少少痕癢了，似乎，都係要聽聽話話好，遲Ｄ等我做晒４次，再黎一個詳細報告啦！～

Wedsite: A-PLUS Beauty