電動微針 AMTS - 我有辦法4日復原！

大家好我係Gigi！好多客人經常見到我紅住塊面响aplus番工，原因係我又做完treatment呀！^.^公司大大小小o既treatment我都差唔多做過曬… 微針、甩皮、peel、hydra facial…..(唯獨仲未試1064 laser >v<)

如果叫十個人講下自己有咩皮膚問題，相信九個都會話：毛孔粗大、膚色唔均勻、暗啞… 我當然都係唔例外o個個啦！>v<！我好鐘意做微針架！一般人以為微針只係for 凹凸洞、粗毛孔…其實除左呢兩樣，微針仲係一個對改善整體膚質好好o既treatment！例如有助刺激骨膠原增生(改善皮膚彈性)、均勻膚色等等…成塊面o既質感都會變得柔軟、白淨！好多時客人話我講到咁吸引…好想試！但擔心復原時間長，唔想紅住番工番學見人！其實唔洗擔心架，我有方法好快好番呀！今次分享我o既護理tips比大家！睇下我o既四天復原過程啦 ^^

基本上我被稱為aplus 微針o既傳奇人物>V< 因為每次做完微針都神速好番！連d同事都 ”嘩嘩嘩！有無咁快呀？” ！而我o既護理重點就係：保濕！我係好乾好乾皮膚…正常人用一bump精華，我就要用兩bump先夠！(10月中o個排天氣乾dd，我成塊面甩皮仔！) 平時無乜出暗瘡，只有period前會生幾粒。

其實邊個唔想皮膚零毛孔、滑溜溜、有光澤！？我一直相信皮膚要有足夠水分先可以做到以上我講o既幾點！平時我都好著重保濕，尤其做完微針療程有一定程度o既創傷性，保濕就更加重要！

皮膚護理

一定要選擇溫和、修復能力高同埋超保濕o既產品！

1) 清潔

l   Bioderma紅水 (有用防曬一定要落妝)

l   Elta Cleanser (普通清潔，有好溫和o既酵素成分，乾淨又唔乾！)

2)    保濕

精華素：

(1)     Endocare (蝸牛精華修復very good! 只會微針/創傷性treatment後用，平時有d太潤，如果你唔係我咁勁乾皮膚，普通十日精華夠用)

(2)     A2 serum (有表皮細胞再生因子 - EGF成分，for保濕、修復好好)

(3)     Olive gel (質地比較厚小小、潤小小…微針後實在太乾喇！我鐘意最後有層薄膜包住皮膚)

面霜：

(1)  Phytoc Moisturizing Cream (純補水分cream，適合即晚同平時當day cream)

(2)  A2 Jelly (晚上用，有 “蝦紅素” 成分，for增加皮膚彈性、水分，”黏多糖” 成分，主要for修復，夜晚搽完第二朝早會感覺漲卜卜，覺得好嫩！)

面膜：

(1)  Tony Moly (朋友仔俾我試完好中意！講真自己唔捨得用幾十蚊一塊mask >.< 如果有朋友去開韓國就叫佢地幫手買啦！平HK一半！！)

(2)  森田藥粧補濕系列 (香味比以前重左，不過我唔算好敏感皮膚，頂得順！補濕我覺得ok的，等Mannings逢禮拜尾掃特價貨啦！因為其他product唔平，所以要用反d平小小o既mask balance下！)

3)    防曬

l   Elta SPF 46 (夠爽！平時要用SPF30以上防曬保護皮膚，做完創傷性treatment更加需要重視防曬！皮膚比平時會更敏感，好吸紫外光！我試過落一落街諗住好快番屋企，唔洗搽防曬啦…點知番去發現黑左:( 過左一段時間先白得反呀…)

(Mask用曬，影唔到相:P)

護理程序

即晚

l   雪櫃凍”食水”洗面 (成塊面又腫又興又痛！凍水涼浸浸舒緩下，當晚一定一定要用食水！因為太多微細傷口，減低細菌感染o既機會)

l   精華素 (吸完一層先搽一層)

l   Phytoc水分面霜 (純水分保濕)

第二天

早上：

l   食水洗面 (痛o既感覺已經小左，用普通室溫水ok)

l   敷面膜 (放心，你地無睇錯…第二、三、四日我都係早晚敷面膜！皮膚太乾！記得幾時敷完d咩都要過水！皮膚吸到o既精華已經响過程中吸左，多餘o既可以洗走！唔好搞到局住出粒粒呀！)

l   精華素1+2 (朝早唔需要太heavy搽曬三隻，兩款夠了)

l   Phytoc水分面霜 (朝早爽d會舒服d)

l   Elta SPF 46

(中午一feel到乾爭爭就用濕棉花抹一抹面清潔，但如果有搽防曬就要bioderma紅水落妝先，之後再搽保濕cream)

晚上：

l   Bioderma紅水

l   Elta Cleanser (傷口埋得八八九九，可以用反溫和潔面product)

l   敷面膜

l   精華素 (一樣吸完一層先搽一層)

l   A2 Jelly

第三天、第四天重複第二天所有steps (唔需要用食水洗面，用反普通水ok)

第五天 (回復正常護膚程序)

早上：

l   清水洗面

l   精華素2

l   Phytoc水分面霜

l   Elta SPF 46

晚上：

l   Bioderma紅水

l   Elta Cleanser

l   敷面膜

l   精華素2+3

l   A2 Jelly

因為我要求Ceci狠”車” 1mm，而呢d狠o既位有小小皮仔未甩清係正常，始終創傷勁！唔好夾硬捽走，損左就弊！個人認為紅得好好睇，靚過搽胭脂添！我仲追住同事逐個話俾佢地知我好鐘意咁紅卜卜呀 haha :P 張相無化妝架！

到依家為止我就算無做左十次，都有七、八次微針，我覺得自己好得咁快係我搽足product，皮膚夠水分，所以退紅、甩皮都比一般人快完成！Treatment 效果好唔好係好在乎你肯唔肯用product配合！我初初都試過齋做treatment無配d好d o既product，效果打折呀！之後我係用完屋企o既護膚品，再逐樣逐樣轉，一來慳家d，二來又有好效果！咁痛捱完treatment無理由唔做好d護理吧？

可能大家覺得我仲細個，唔需要响塊面搞咁多野啦！但我認為如果我依家20歲開始keep，到30歲o既時候都希望有20歲o既皮膚！唔通你地唔想咩？！大家一齊努力向擁有bling bling皮膚邁進啦！下一次再分享過！BYE BYE :D

Cheers,

Gigi

*此乃個人感受分享，療程效果皆因人而異。