做完療程多左粒粒！點解會咁呀？！

好多客人試過做完treatment，多左好多「白頭粒粒」，就擔心係唔係因為療程影響到呢…其實出呢種粒粒的原因通常係做完d比較刺激的療程，例如激光、微針，皮膚受到外來刺激，就會令油脂線（sebaceous gland）收縮，收縮的過程，會分泌多左d油脂出現在表皮，所以短暫發現多左油脂粒，隨著皮膚的新陳代謝，油脂粒會慢慢退走。油脂線收縮，皮膚分泌油分減少，對於暗瘡、黑頭、粉刺等問題自然相對減少，所以長遠來講，其實係一件好事！

好多時做完laser，我都會有同樣情況，全面生曬呢d粒粒>< 不過只係大概用3日就可以退走（至小退左9成！），當然，都係需要靠日常護理做得好d！今次又係我做完laser facial後出的粒粒！我每晚都拍低左過程，又可以同大家分享下！

護理重點

*宜*

1.       保濕

          (保濕做得夠，皮膚敏感快d修復)

2.       耐性
          (有可能需要唔止3日時間，甚至要一星期先好得反，一定要忍耐！)

3.       簡單護理
          (做好日常護理就可以，保持塊面清潔、夠水分)

*忌*

1.       手痕

          (唔好試圖用任何方法去抓穿粒粒，唔係會留疤痕！)

2.       刺激性護膚品
          (皮膚敏感要用d溫和護膚產品去舒緩！)

皮膚護理

(1)   清潔

          落妝： Bioderma 紅水（$120/ 500ml）
                     溫和、又夠乾淨的落妝品！

          清潔： Elta cleanser（$380/ 207ml）

                     皮膚出現狀況，要用d溫和又有足夠清潔力的洗面產品！Elta用完好乾淨，又唔會刺激！

(2)   精華素

早：（清爽為主）

• A2 serum（$600/ 20ml）

      含超高濃度表皮細胞再生因子(oligopeptide-1/EGF)成份，1 µg/ml，for加速修復好work！質地好薄！好爽！好保濕！雖然
        20ml $600，好似好貴，不過一分錢一分貨！貴就貴在egf！平時我都唔捨得用，但會留定一支做看門口！做完創傷
       treatment、急救情況…必用！！！！

晚：（用d比較潤的精華，因為要支持到第二朝早！）

• Dermaquest Essential Hydrating B5 Serum（$600/ 29.6ml）

           透明質酸保濕精華，質地比A2杰小小，純保濕產品！價錢比較相宜！化妝前不能用 >.< 會起刷膠粒架！

• Olive gel（$1150/ 30ml）

     含橄欖葉精萃，可以抗氧化、抗菌、抗病毒、消炎、改善敏感脆弱、加速癒合！簡直敏感脆弱皮膚聖品！日日都用緊！

(3)   面霜

                早：Phytoc Moisturizing Cream（$800/ 50g）

                       純補濕面霜

                晚：A2 jelly（$800/ 40g）

                            含蝦紅素、黏多糖，非常補濕，修復好好，改善皮膚彈性，又係晚晚都用緊的product！

4)   面膜

• 蠶絲面膜（$30一塊、$100四塊）

       超保濕！超薄！超多精華的mask！

！！請注意！！

如果面上的粒粒係細細粒，有d白色物體在裡面，又唔痕，好大機會就係白頭粒粒（相中情況），依我上面的方法去護理反皮膚就可以o架喇！但如果d粒粒係紅，腫，又痕，就可能係敏感或發炎！希望呢篇blog可以幫到大家了解多d啦！！

如果有其他任何查詢，可以上我地Facebook Page 留言

https://www.facebook.com/aplusbeauty.com.hk

或致電 2723-0616/ 9087-6980 (whatsapp) !

Cheers,

Gigi

*此乃個人感受分享，療程及產品效果皆因人而異。

*如有任何爭議﹐A-Plus Beauty Medical Center保留最終決定。

AMTS電動微針小常識+激進版的康復過程！

微針，簡單d講就係一種「先死而後生」的療程，透過針去挑鬆表皮皮下組織與組織之間的連結，從而令組織再（重）生，以改善皮膚問題。好多人都會話試過第一次做電動微針，覺得好有效！但慢慢到左第四第五次…又覺得好似無咩效果！？

其實係因為第一次做微針時，皮膚組織係最緊密，當用針去挑鬆皮下組織，對皮膚的刺激反應大，所以相對有明顯的效果。當第二、第三次連續做微針，皮膚組織比第一次時鬆散，相對皮膚的反應及效果就會無咁大！愈要求不斷做同一個療程，不停刺穿表皮，皮膚組織缺乏時間休息及重組，就愈會令皮膚到「平台期」！愈來愈小效果見到！

所以，我地均會建議客人每做三次微針，就要停一停，同其他treatment互相間隔一下，比時間皮膚休息下先！絕對不能否認，微針對付凹凸洞、粗毛孔甚至改善膚質均有好好的效果，的確係一個好好的treatment！但係我地要懂得如何運用，而唔係將一個好treatment不斷濫做，浪費了整個療程！

最近，我又做反微針喇！一樣拍低曬成個康復的過程出泥！今次仲係比上一次更激進添！全面1mm、面頰及鼻用1.2mm！不過同樣地，都係用左5日時間可以好番曬！

DAY 1
微針後敷co2 mask時，皮膚非常痛的話，代表皮膚非常乾！

• 刺痛、腫脹、拿、乾的感覺均是正常反應

• 離開時，要戴口罩，避免街上的灰塵沾上面

**小提示：co2 mask用途係舒緩、降紅，並不是保濕！好多人話微針後配co2 mask番屋企敷，其實係唔需要！要配，應該係配超保濕mask！！

Day 2
傷口比第一日再紅d！

• 一樣會有刺痛、腫脹、拿、乾的感覺

• 多搽保濕產品，等傷口快d吸收精華，加速埋口

Day 3
開始退紅！

• 刺痛、腫脹、拿的感覺逐漸消失，但會覺得皮膚很乾很乾！因為預備甩皮了！

• 多搽保濕產品

• pic 3用了防曬 + 碎粉

• pic 4 晚上開始脫皮的情況！如果做微針針長先會甩得咁誇張！基本0.5mm、0.8mm只係甩皮屑

Day 4
脫皮後會突然覺得康復好快！

• 雖然仍然偏紅，但如果有搽碎粉，就會覺得似自然胭脂！

• 甩完皮後，更乾！多搽保濕產品！

Day 5
可以睇到小小微針後的效果，皮膚有光澤、白滑、毛孔細緻

• 我要做fotona 1064去除面上的斑點！！ ><

皮膚護理（簡略版）
大部分的護膚產品都同上次一樣，詳情請按此參閱舊文^^

1) 清潔

• Bioderma紅水 ($120/ 500ml)
• Elta Cleanser ($380/ 207ml)

2)    保濕

精華素：
(1)     Endocare (一般皮膚用'德國十日精華'夠！) 
(2)     A2 serum ($600/ 20ml)
(3)     Olive gel ($1150/ 30ml)

面霜：
(1)  Phytoc Moisturizing Cream ($800/ 50g)
(2)  A2 Jelly ($800/ 40g)

面膜：
(1)  蠶絲面膜 (New product!)
        超保濕！超薄！超多精華的mask！頭3日早晚敷，$30一塊、$100四塊
(2)  森田藥粧補濕系列 (Buy from Mannings $5x/ 10塊)

3)    防曬

• Elta SPF 46 ($300/ 48g)

護理程序（詳情請按此參閱舊文^^）


兜兜轉轉，我都仲係會keep住做電動微針呢個treatment！不過依家係每兩三個月連續做一或兩次，停一停，中間做下水晶晶、laser、又或者peel，之後先再做反微針。原因係每種treatment當中的有效成分，係為針對某d皮膚問題而設，所以想要靚靚的皮膚，需要用不同的treatment互相配合！好似上個月，我都試左新引入的co2 laser facial！改善整體膚色一流！而呢方面的改善，單靠微針係不能做到的！

**真心話：要好皮膚無可能單靠一種treatment！**

我地深深明白，大家見到aplus引入愈來愈多的treatment，功效好似差不多，有點分唔清邊個適合自己！？好似「微針、scarlet、co2 laser facial、fotona 1064 laser facial…」5款treatment都做到收毛孔、去凹凸洞…但其實主要針對改善的皮膚問題、價錢、down time都有所不同！我地努力地寫緊呢篇「教學文」，希望大家會了解多d！大家密切留意住更新呀！^^

想重溫電動微針 AMTS - 我有辦法4日復原！post請瀏覽以下網址:
http://annaplusbeauty.blogspot.hk/2013/11/4.html

想重溫電動微針AMTS - 平價護理方法介紹post請瀏覽以下網址:
http://annaplusbeauty.blogspot.hk/2013/12/amts.html



如果有任何查詢，可以上我地Facebook Page 留言
https://www.facebook.com/aplusbeauty.com.hk


或致電 2723-0616/ 9087-6980 (whatsapp) !

Cheers,
Gigi

*此乃個人感受分享，產品效果皆因人而異。 


**產品價格如有任何爭議﹐A Plus Beauty Medical Center保留最終決定。

補濕mask大比拼

好多人都會發覺長假期後，皮膚反而變差。原因係係長假期期間，大家少不免會做隻夜鬼同大吃大喝一番。如果想減少變暗啞同出瘡瘡的機會，大家可以試下敷下水份mask，幫皮膚補充番水份，就可以加強返皮膚的抵抗力。

下一條問題就當然係有咩mask好用啦！今次就主要分享四隻我用過不錯的補濕mask。價錢有平有貴，任君選擇。
首 先推介我最最最喜愛的Olive mask！Olive mask - 橄欖美白修復面膜係一隻我覺得可以令皮膚得到改善，而唔係單單短暫補下濕的mask。由於有橄欖葉精萃，可以改善受損細胞，亦有效減淡暗瘡印。而我最愛就 係敷完mask的另一日，皮膚充滿光澤同水份，真係有bling一聲的感覺！價錢唔算平，A-Plus折完比朋友仔都要$1000，不過可以用到40次 到。

另一隻我覺得唔錯的水份mask就係Dorissiderm的Radiant Gel Mask。一隻好的mask，除了敷完無敏感外，當然要效力持久啦！而好的水份mask除了可以令皮膚注滿水份外，亦可以令皮膚更滑和有彈性。而呢隻mask亦做到呢一點。
清洗 Gel mask有個小秘訣，就係先以濕綿花抹走mask，再用水沖，就會好乾淨啦！
萬寧有售，太約$300，有80ml。算是平靚正之選。

想方便又粗用的話，大家可以試下呢隻paper mask。效果唔係話超級出色，但最少無敏感，亦無過多香料。而且敷完亦覺得皮膚有水潤左。平平地$65有兩盒，一共10塊，粗用完全唔會心痛。萬寧有售。

打激光係會令皮膚短暫缺水，所以，事後的補濕功夫係非常重要。而Avene呢隻mask係專為打laser而設的mask。除了補濕外，仲可以降紅。價錢非常實惠，$160有50ml，萬寧有售。

有好亦有彈，同場加影我用過最差的 paper mask!!!!

一開就係一陣陣玫瑰味，但好明顯只係香料而唔係含有玫瑰成份！精華一pat pat，完完全全唔覺皮膚有吸收到任何野，好似仲乾左。真係敷完仲衰過唔敷！

*

*此乃個人感受分享，產品效果皆因人而異。